ءىىم تمد ەلدەرىنىڭ ىىم-تەرىمەن بىرگە ىزدەۋدە جۇرگەن ادامداردى ۇستاۋ، سونداي-اق، حابار-وشارسىز كەتكەندەردى انىقتاۋ بويىنشا جەدەل پروفيلاكتيكالىق ءىس-شارا وتكىزدى،- دەپ حابارلايدى Dalanews.kz.
قىرعىز رەسپۋبليكاسىنىڭ ىىم-مەن ءوزارا ءىس-قيمىل بارىسىندا بىشكەك قالاسىندا 39 جاستاعى قازاقستاندىق ۇستالدى. ول 13 جىل بۇرىن جامبىل وبلىسىندا جاسالعان توپتىق زورلاۋ قىلمىسىنا قاتىسقانى ءۇشىن ىزدەۋدە جۇرگەن.
"رەسەي فەدەراسياسى ءىىم قىلمىستىق ىزدەستىرۋ باس باسقارماسىمەن ىنتىماقتاستىق ناتيجەسىندە سوچيدە 22 جاستاعى قازاقستاندىق قۇرىقتالدى. ول جەتىسۋ وبلىسىنىڭ اۋماعىندا ءبىرقاتار ينتەرنەت الاياقتىق جاساعاننان كەيىن جاسىرىنىپ جۇرگەن"، - دەپ جازىلعان حابارلامادا.
پاۆلودار وبلىسى پد جەدەل ىزدەستىرۋ توبى رەسەيلىك ارىپتەستەرىمەن بىرگە گروزنىيدا 52 جاستاعى ەر ادامدى ۇستادى. ول 1996 جىلى پاۆلودار وبلىسىنىڭ بوبروۆكا اۋىلىندا جەرگىلىكتى تۇرعىنعا قاراقشىلىق شابۋىل جاساعان.
"جامبىل وبلىسى قورداي اۋدانىنىڭ اۋماعىندا وزبەكستاننىڭ 47 جاستاعى ازاماتى قۇرىقتالدى. ول ءوز جۇبايىن ءولتىرىپ، جاسىرىنىپ جۇرگەن. ەلوردادا گەرمانيانىڭ 58 جاستاعى ازاماتى ۇستالدى. كۇدىكتىگە گامبۋرگتە اسا ءىرى كولەمدە الاياقتىق جاساعانى ءۇشىن ءوز ەلىنىڭ ينتەرپولى ىزدەۋ جاريالاعان. ودان بولەك، ادام ومىرىنە قاستاندىق جاساعانى ءۇشىن تۇركيانىڭ قۇقىق قورعاۋ ورگاندارى ىزدەپ جۇرگەن 33 جاستاعى شەتەلدىك قۇرىقتالدى"، - دەپ جازىلعان حابارلامادا.
وزبەكستان ىىم-مەن بىرگە جامبىلدىق پوليسەيلەر بايزاق اۋدانىندا كورشى ەلدىڭ 46 جاستاعى ازاماتىن ۇستادى. ول 2009 جىلعى قاڭتاردان باستاپ ادام ساۋداسى ءۇشىن ىزدەۋدە بولعان.
"حابار-وشارسىز كەتكەن 56 ادامنىڭ، ونىڭ ىشىندە 10 كامەلەتكە تولماعان بالانىڭ جۇرگەن جەرى انىقتالدى. مىسالى، تۇركىستان جانە ماڭعىستاۋ وبلىستارىنىڭ پد قىزمەتكەرلەرىنىڭ بىرلەسكەن جۇمىسىنىڭ ارقاسىندا 31 ناۋرىزدا ۇيىنەن شىعىپ كەتكەن 15 جاستاعى قىز اقتاۋدان تابىلدى"، - دەپ جازىلعان حابارلامادا.
جەدەل ءىس-شارانىڭ ەكى كۇنىنىڭ قورىتىندىسى بويىنشا ىزدەۋدە جۇرگەن 284 قىلمىسكەر ۇستالدى:
- كىسى ولتىرگەنى ءۇشىن – 7؛
- دەنساۋلىققا اۋىر زيان كەلتىرگەنى ءۇشىن – 9؛
- قاراقشىلىق شابۋىلدار ءۇشىن – 6؛
- توناۋ ءۇشىن – 5؛
- ەسىرتكى قىلمىستارى ءۇشىن - 13.
