IIM TMD elderiniń IIM-terimen birge izdeýde júrgen adamdardy ustaý, sondai-aq, habar-osharsyz ketkenderdi anyqtaý boiynsha jedel profilaktikalyq is-shara ótkizdi,- dep habarlaidy Dalanews.kz.
Qyrǵyz Respýblikasynyń IIM-men ózara is-qimyl barysynda Bishkek qalasynda 39 jastaǵy qazaqstandyq ustaldy. Ol 13 jyl buryn Jambyl oblysynda jasalǵan toptyq zorlaý qylmysyna qatysqany úshin izdeýde júrgen.
"Resei Federatsiiasy IIM Qylmystyq izdestirý bas basqarmasymen yntymaqtastyq nátijesinde Sochide 22 jastaǵy qazaqstandyq quryqtaldy. Ol Jetisý oblysynyń aýmaǵynda birqatar internet alaiaqtyq jasaǵannan keiin jasyrynyp júrgen", - dep jazylǵan habarlamada.
Pavlodar oblysy PD jedel izdestirý toby reseilik áriptesterimen birge Groznyida 52 jastaǵy er adamdy ustady. Ol 1996 jyly Pavlodar oblysynyń Bobrovka aýylynda jergilikti turǵynǵa qaraqshylyq shabýyl jasaǵan.
"Jambyl oblysy Qordai aýdanynyń aýmaǵynda Ózbekstannyń 47 jastaǵy azamaty quryqtaldy. Ol óz jubaiyn óltirip, jasyrynyp júrgen. Elordada Germaniianyń 58 jastaǵy azamaty ustaldy. Kúdiktige Gambýrgte asa iri kólemde alaiaqtyq jasaǵany úshin óz eliniń Interpoly izdeý jariialaǵan. Odan bólek, adam ómirine qastandyq jasaǵany úshin Túrkiianyń quqyq qorǵaý organdary izdep júrgen 33 jastaǵy sheteldik quryqtaldy", - dep jazylǵan habarlamada.
Ózbekstan IIM-men birge jambyldyq politseiler Baizaq aýdanynda kórshi eldiń 46 jastaǵy azamatyn ustady. Ol 2009 jylǵy qańtardan bastap adam saýdasy úshin izdeýde bolǵan.
"Habar-osharsyz ketken 56 adamnyń, onyń ishinde 10 kámeletke tolmaǵan balanyń júrgen jeri anyqtaldy. Mysaly, Túrkistan jáne Mańǵystaý oblystarynyń PD qyzmetkerleriniń birlesken jumysynyń arqasynda 31 naýryzda úiinen shyǵyp ketken 15 jastaǵy qyz Aqtaýdan tabyldy", - dep jazylǵan habarlamada.
Jedel is-sharanyń eki kúniniń qorytyndysy boiynsha izdeýde júrgen 284 qylmysker ustaldy:
- kisi óltirgeni úshin – 7;
- densaýlyqqa aýyr ziian keltirgeni úshin – 9;
- qaraqshylyq shabýyldar úshin – 6;
- tonaý úshin – 5;
- esirtki qylmystary úshin - 13.
