ٸشكٸ ٸستەر مينيسترلٸگٸ ازاماتتاردىڭ سمارتفوندارىنا زيياندى قوسىمشالار ورناتۋ ارقىلى قاشىقتان قول جەتكٸزەتٸن الاياقتىق سحەمالار كٶبەيگەنٸن مەلٸمدەدٸ, دەپ حابارلايدى Dalanews.kz
ۆەدومستۆونىڭ حابارلاۋىنشا, قازٸرگٸ ۋاقىتتا Android وپەراتسييالىق جٷيەسٸ ورناتىلعان موبيلدٸ قۇرىلعىلارعا زيياندى باعدارلامالاردى ورناتىپ, تاراتۋ فاكتٸلەرٸ تٸركەلگەن. قاسكٶيلەر تٷرلٸ تەسٸلدەردٸ قولدانادى. اتاپ ايتقاندا:
– مەسسەندجەرلەر مەن ەلەۋمەتتٸك جەلٸلەر ارقىلى فيشينگتٸك سٸلتەمەلەر تاراتۋ;
– جالعان موبيلدٸ قوسىمشالار ۇسىنۋ;
– فوتو, بەينە جەنە قۇجات تٷرٸندە جاسىرىلعان زيياندى فايلدار جٸبەرۋ;
– مەملەكەتتٸك ورگاندار, بانكتەر جەنە جەتكٸزۋ قىزمەتتەرٸ اتىنان حابارلاما جولداۋ;
– اكتسيياعا نەمەسە ۇتىس ويىنىنا قاتىستىرۋ سىلتاۋىمەن قوسىمشا ورناتۋدى تالاپ ەتۋ.
مامانداردىڭ ايتۋىنشا, مۇنداي باعدارلاما ورناتىلعاننان كەيٸن الاياقتار قۇرىلعىعا قاشىقتان قول جەتكٸزٸپ, بانك شوتتارىنداعى قاراجاتتى ۇرلاۋى, ونلاين-نەسيەلەر رەسٸمدەۋٸ, جەكە دەرەكتەر مەن حات الماسۋدى تاراتۋى مٷمكٸن. سونداي-اق تەلەفوندى بۇعاتتاپ, تٶلەم تالاپ ەتۋ قاۋپٸ بار.
ٸٸم ازاماتتاردى ساق بولۋعا شاقىرادى. ٶزٸڭٸزدٸ قورعاۋ ٷشٸن:
– ٷشٸنشٸ تۇلعالاردىڭ ٶتٸنٸشٸمەن قوسىمشا ورناتپاۋ;
– SMS ارقىلى كەلگەن كودتاردى ەشكٸمگە حابارلاماۋ;
– كٷمەندٸ سٸلتەمەلەرگە ٶتپەۋ;
– تەك رەسمي قوسىمشالار مەن انتيۆيرۋستىق باعدارلامالاردى پايدالانۋ;
– بانك وپەراتسييالارى تۋرالى حابارلامالاردى قوسۋ ۇسىنىلادى.
تەلەفوندا قاۋٸپتٸ باعدارلاما بار ەكەنٸن بٸلدٸرەتٸن بەلگٸلەر – باتارەيانىڭ تەز تاۋسىلۋى, قۇرىلعىنىڭ قىزۋى جەنە بەيتانىس قوسىمشالاردىڭ پايدا بولۋى.
«كٷدٸك تۋىنداعان جاعدايدا ينتەرنەتتٸ دەرەۋ ٶشٸرٸپ, بانكپەن بايلانىسىپ, قۇقىق قورعاۋ ورگاندارىنا جٷگٸنٸڭٸزدەر. ساق بولىڭىزدار. تسيفرلىق قاۋٸپسٸزدٸك ٶزٸمٸزدەن باستالادى», – دەپ مەلٸمدەدٸ ٸٸم.
