بۇرىنعى دٸني قىزمەتكەر ياكوۆ (ۆلاديمير) ۆورونتسوۆتىڭ ٸسٸ بويىنشا تەرگەۋ اياقتالدى, الايدا قاماۋدا وتىرعان ازامات مەديتسينالىق كٶمەك كٶرسەتٸلمەي جاتقانىن ايتىپ شاعىمدانعان, دەپ حابارلايدى dalanews.kz.
بۇل تۋرالى ۆورونتسوۆتىڭ ادۆوكاتى عالىم نۇرپەيٸسوۆ مەلٸمدەدٸ. ونىڭ ايتۋىنشا, تەرگەۋ اياقتالعانىمەن, قورعاۋشىسىنا ايىپتاۋ اكتٸسٸ ەلٸ تابىستالماعان. قۇجات تاپسىرىلعاننان كەيٸن ٸس سوتقا جٸبەرٸلەدٸ.
سونىمەن قاتار ۆورونتسوۆ الماتىداعى تەرگەۋ يزولياتورىندا دەنساۋلىعىنا بايلانىستى قاجەتتٸ مەديتسينالىق كٶمەك الا الماي وتىرعانىن ايتقان. ول 17 تامىزدا دوسى گەنيات يسينگە جازعان حاتىندا اياعىنداعى سوزىلمالى اۋرۋى اسقىنعانىن حابارلاعان.
«مەن تۋرالى ەلٸ دە جازبالار جارييالاپ جٷرسٸڭ بە? ماعان مٷلدەم مەديتسينالىق كٶمەك كٶرسەتٸلمەي جاتقانىن جازشى. اياعىمداعى سوزىلمالى اۋرۋىم — تروفيكالىق جارا مەن پوستترومبوفلەبيت — ەلدەقاشان اسقىنىپ كەتتٸ. اياعىم قاتتى اۋىرادى, اۋىرسىنۋدان ۇيىقتاي الماي جٷرمٸن. دەرٸگەرلەرگە جٷگٸنٸپ جاتىرمىن. ەشقانداي رەاكتسييا جوق. ەشقانداي كٶمەك كٶرسەتٸلمەيدٸ. وسىعان بايلانىستى شاعىم جازدىم. بٸراق ودان دا نەتيجە بولعان جوق. ماعان شۇعىل تٷردە فلەبولوگتىڭ تەكسەرۋٸ مەن ەمٸ قاجەت», — دەپ جازعان ول.
ادۆوكاتتىڭ ايتۋىنشا, ۆورونتسوۆتىڭ اياعىندا بۇرىن تروفيكالىق جارا بولعان. اۋرۋ ەمدەلگەنٸمەن, قاماۋداعى ەموتسيونالدىق جاعدايىنا بايلانىستى ونىڭ قايتا اسقىنۋ بەلگٸلەرٸ پايدا بولعان. قورعاۋشى دەنساۋلىق جاعدايىن ەسكەرە وتىرىپ, بۇلتارتپاس شارانى ٶزگەرتۋ تۋرالى بٸرنەشە رەت ٶتٸنٸش بەرگەنٸن, الايدا سوتتار ونى قاناعاتتاندىرماعانىن ايتتى.
ۆورونتسوۆ 13 اقپاننان بەرٸ قاماۋدا وتىر. اقپان ايىندا وعان قىلمىستىق كودەكستٸڭ 302-بابى بويىنشا ەسٸرتكٸ تۇتىنۋعا ارنالعان پريتون ۇيىمداستىرۋ جەنە 296-بابى بويىنشا ەسٸرتكٸنٸ ٶتكٸزۋ ماقساتىنسىز ساقتاۋ ايىپتارى تاعىلعان. ۆورونتسوۆ تاعىلعان ايىپتاردى مويىندامايدى.
بۇعان دەيٸن, مامىر ايىندا, سوت ۆورونتسوۆتى پسيحياترييالىق كٶمەك كٶرسەتەتٸن ارنايى مەديتسينالىق مەكەمەگە مەجبٷرلٸ تٷردە جٸبەرۋ تۋرالى شەشٸم قابىلداعان. ول اكتاسەدەگٸ مەكەمەدە بولعان. كەيٸن دەرٸگەرلەر ونىڭ پسيحيكالىق اۋىتقۋلارى جوق دەگەن قورىتىندى جاساپ, شٸلدە ايىندا ونى الماتىداعى تەرگەۋ يزولياتورىنا قايتارعان.
ياكوۆ ۆورونتسوۆ بۇعان دەيٸن رەسەيدٸڭ ۋكرايناعا باسىپ كٸرۋٸن اشىق سىناپ, سوعىسقا قارسى ٷندەۋ جارييالاعان پراۆوسلاۆ دٸن قىزمەتكەرلەرٸنٸڭ قاتارىندا بولعان. سونداي-اق ول قازاقستاندا مەسكەۋ پاتريارحاتىنا باعىنبايتىن تەۋەلسٸز پراۆوسلاۆ قاۋىمىن قۇرۋ باستاماسىن كٶتەرگەن. وسىدان كەيٸن 2023 جىلى رەسەي پراۆوسلاۆ شٸركەۋٸ ونى دٸني قىزمەتتەن ايىرعان.
ۆورونتسوۆ ٶزٸنە تاعىلعان ەسٸرتكٸگە قاتىستى ايىپتاردى جوققا شىعارىپ, ٷيٸنەن تابىلدى دەلٸنگەن زاتتاردىڭ ٶزٸنە تيەسٸلٸ ەمەس ەكەنٸن ايتقان. ونىڭ پٸكٸرٸنشە, قىلمىستىق قۋدالاۋ ونىڭ دٸني جەنە قوعامدىق ۇستانىمدارىمەن بايلانىستى.
قازٸر قورعاۋشى تاراپ ايىپتاۋ اكتٸسٸنٸڭ تابىستالۋىن كٷتۋدە. وسىدان كەيٸن ٸس ماتەريالدارى سوتقا جٸبەرٸلۋٸ مٷمكٸن.
