كومپانيا قىزمەتىنىڭ ورتاق ناتيجەلەرى بولجامدارعا سايكەس كەلەدى.
2022 جىلدىڭ ءبىرىنشى جارتىجىلدىعىندا Huawei كومپانياسىنىڭ ساتۋدان تۇسكەن تابىسى 301،6 ميلليارد يۋانعا جەتتى. بۇل شامامەن 44،7 ميلليارد اقش دوللارىن قۇرايدى. ونىڭ ىشىندە تازا پايدا مارجاسى 5 پايىزدى قۇرادى.
تەلەكوممۋنيكاسيا قىزمەتىنىڭ كىرىسى 142،7 ميلليارد يۋانعا، كاسىپورىننىڭ كاسىپتىك كىرىسى 54،7 ميلليارد يۋانعا، تەرمينالدىق قۇرىلعىلاردىڭ كىرىسى 101،3 ميلليارد يۋان كورسەتتى.
«ءبىزدىڭ تەرمينالدىق قۇرىلعىلار بيزنەسىنە سىرتقى جاعىمسىز اسەرلەر بولعانىنا قاراماستان، اكت ينفراقۇرىلىمىنىڭ ءوندىرىسى ءوزىنىڭ قارقىندى ءوسۋىن ساقتاپ قالدى»، - دەدى، Huawei ءتوراعاسى كەن حۋ.
«الداعى ۋاقىتتا ءبىز تۇتىنۋشىلارىمىز بەن سەرىكتەستەرىمىز ءۇشىن قۇندىلىقتار جاساۋدى جالعاستىرا بەرەمىز، ءارى ساپالى دامۋدى قامتاماسىز ەتۋ ءۇشىن سيفرلاندىرۋ جانە دەكاربونيزاسيا ۇردىستەرىن پايدالانامىز».
Huawei – ينفوكوممۋنيكاسيا جانە ينفراقۇرىلىمدىق شەشىمدەردىڭ، سونداي-اق سمارت قۇرىلعىلاردىڭ جەتەكشى جاھاندىق ويىنشىسى. قازىرگى تاڭدا كومپانيا جاھاندىق پروگرەسكە يتەرمەلەيتىن ىرگەلى زەرتتەۋلەرگە قارجى ءبولىپ وتىر. Huawei - 1987 جىلى قۇرىلعان جەكە كومپانيا.
اكسيالارىنا ءوز قىزمەتكەرلەرى يەلىك ەتەدى. كومپانيادا الەمنىڭ 170-تەن استام ەلىندە 188 مىڭنان استام قىزمەتكەر جۇمىس ىستەيدى.
