قازاقستان رەسپۋبليكاسى ۇلتتىق بانكى بازالىق مولشەرلەمەنى كوتەرگەننەن كەيىن قازاقستاننىڭ دەپوزيتتەرگە كەپىلدىك بەرۋ قورى ەكىنشى دەڭگەيلى بانكتەرگە دەپوزيت مولشەرلەمەسىن كوتەرۋ بويىنشا ۇسىنىس ءبىلدىردى.
چەحيالىق Home Credit Bank – وتاندىق بانكتەردىڭ ىشىنەن العاشقىلاردىڭ ءبىرى بولىپ، ۇسىنىستى جۇزەگە اسىرىپ وتىر. 29-شى قازاننان باستاپ، Home Credit Bank دەپوزيتتەر مەن دەپوزيتتىك سەرتيفيكاتتار بويىنشا 17،5% كولەمىندەگى ەڭ جوعارى جىلدىق ءتيىمدى مولشەرلەمەنى بەكىتەدى.
سونىمەن قاتار، بانك جىل باسىنان بەرى ءتورتىنشى رەت «پروستوي» دەپوزيتى بويىنشا جاڭا سالىمشىلار ءۇشىن عانا ەمەس، ءوزىنىڭ بار كليەنتتەرىنە مولشەرلەمەنى اۆتوماتتى تۇردە كوتەرۋدە. ونىڭ ۇستىنە، بانك تاراپىنان مولشەرلەمەنى كوتەرۋ دەپوزيتتەرگە كەپىلدىك بەرۋ قورىنىڭ حابارلاماسىنان كەيىن كەلەسى كۇنى اۆتوماتتى تۇردە جاسالادى.
بۇل جولى «پروستوي» دەپوزيتى بويىنشا جىلدىق ءتيىمدى مولشەرلەمە 15،5%-عا دەيىن ءوستى. دەپوزيتتەردى بانك فيليالدارىندا عانا ەمەس، Home Credit Bank ءموبيلدى قوسىمشاسىندا نەمەسە ۆەب-سايتىندا دا ونلاين اشۋعا بولادى.
