World Street Journal اقپاراتى بويىنشا، وزبەكستاننىڭ العاشقى پرەزيدەنتى يسلام كارىموۆتىڭ ۇلكەن قىزى گۇلنار كارىموۆانى شۆەيساريالىق پروكۋرورلار جەمقورلىق قىلمىسىنا قاتىستى تەرگەدى. باسىلىم مالىمەتىنە قاراعاندا، كەزدەسۋ تاشكەنت قالاسىندا وتكەن، ال گۇلنار ءقازىر ءۇي قاماۋىندا وتىر.
كارىموۆانىڭ قورعاۋشىسى بولىپ تاعايىندالعان شۆەيساريالىق ادۆكات گرەگۋار مانجەانىڭ حابارلاۋىنشا، پروكۋرورلور گۇلنارمەن ەكى مارتە: وتكەن جىلى 9 جانە 10 جەلتوقساندا كەزدەسكەن. زاڭگەردىڭ ايتۋىنشا، كارىموۆانىڭ "جاعدايى جاقسى بولعانىمەن، ونىڭ قاۋىپسىزدىگەنە ەشكىم كەپىل بەرە المايدى". ادۆوكاتتىڭ مالىمدەۋىنشە، وعان "سىرتقى الەممەن بايلانىس ورناتۋعا، ءتىپتى بالالارىمەن كەزدەسۋگە تىيىم سالىنعان".
شۆەيساريا پروكۋراتۋراسى قىزمەتكەرلەرىنىڭ وزبەكستانعا بارعانىن راستادى.
گۇلنار كارىموۆا كوپشىلىك الدىنا 2014 جىلدان بەرى شىقپايتىن بولعان. ول اكەسىنىڭ جەرلەۋ راسىمىنە دە قاتىسقان جوق. حابارلارعا قاراعاندا، ونى ءۇي قاماۋىنا اۋىستىرعان. سول جىلى شۆەيساريا بيلىگى جەمقورلىققا قاتىستى قىلمىستىق ءىس قوزعادى.
وزبەكستاندا ءتيىمدى كەلىسىمگە قول جەتكىزۋ ءۇشىن شەتەلدىك كومپانيالار كارىموۆاعا پارا بەرگەن دەگەن بولجام بار. شۆەيساريا بيلىگى ونىڭ ەسەبىندەگى 650 ميلليون ەۆرونى قۇلىپتاپ تاستادى.
