گٷلميرا قاناي: «بٸلٸم سالاسىنداعى ٶزگەرٸستەردٸڭ قوزعاۋشى – جاستار»
– عىلىم مەن بٸلٸمسٸز مەملەكەت تە, قوعام دا دامىمايدى. بۇل دەلەلدەۋدٸ قاجەت ەتپەيتٸن تٷسٸنٸك. بٸلٸم مەن عىلىمنىڭ قارقىندى ٶزگەرۋ زامانىندا ەلٸمٸزدەگٸ جاستاردىڭ عىلىمي ەلەۋەتٸن ارتتىرۋ – بەسەكەگە قابٸلەتتٸ ەلدەر قاتارىنا اپارار باستى باسپالداق. ولاي بولسا بٷگٸنگٸ كەزدەسۋٸمٸزدٸڭ باستى ماقساتى دا – مەملەكەت پەن قوعام دامۋىنا بەلسەندٸ قىزمەت ەتەتٸن, جاڭاشا تۇرعىدان ويلايتىن جاس پەداگوگ-عالىمداردىڭ جوبالارى مەن يدەيالارىن تىڭداۋ, تۋىنداعان مەسەلەردٸ بٸرٸگٸپ شەشۋ, – دەدٸ گٷلميرا قاناي.
ول ٶز سٶزٸندە مەملەكەت باسشىسى قاسىم-جومارت توقاەۆ حالىققا ارناعان جولداۋىندا ٷكٸمەتكە جىل سايىن ەلەمنٸڭ جەتەكشٸ عىلىمي ورتالىقتارىندا 500 عالىمنىڭ تاعىلىمدامادان ٶتۋٸن قامتاماسىز ەتۋدٸ, سونداي-اق «جاس عالىم» جوباسى اياسىندا زەرتتەۋ جٷرگٸزۋ ٷشٸن 1 مىڭ گرانت بٶلۋدٸ تاپسىرعانىن دا تٸلگە تيەك ەتتٸ.
– مەسەلەن, «بولاشاق» باعدارلاماسى ارقىلى بيىل 500 ستيپەندييا قازاقستاندىق عالىمدارعا ەلەمنٸڭ جەتەكشٸ عىلىمي ورتالىقتارىندا تاعىلىمدامادان ٶتۋ ٷشٸن بەرٸلەتٸن بولادى. ستيپەندييا بەرۋگە ٷمٸتكەرلەرگە اكادەمييالىق وقۋ ٷشٸن 80 ماماندىق جەنە تاعىلىمدامادان ٶتۋ ٷشٸن 137 ماماندىق ۇسىنىلعان, – دەپ اتاپ ٶتتٸ ۋنيۆەرسيتەت باسشىسى.
قازٸرگٸ كٷندە قىزدار ۋنيۆەرسيتەتٸندە 40 جاسقا دەيٸنگٸ 110 جاس عالىم جۇمىس ٸستەيدٸ. ولاردىڭ باسىم بٶلٸگٸ ەلەمنٸڭ جەتەكشٸ ۋنيۆەرسيتەتتەرٸ مەن عىلىمي-زەرتتەۋ ورتالىقتارىندا تاعىلىمدامادان ٶتٸپ, بٸلٸكتٸلٸگٸن جەتٸلدٸرگەن. كٶپتەگەن جاس عالىمدار ٶنەرتابىس پاتەنتتەرٸ مەن عىلىمي جوبالار كونكۋرسىنىڭ جەڭٸمپازى.
– عىلىم مەن بٸلٸمدٸ بٸرگە الىپ جٷرۋ – بۇل ٷلكەن شەبەرلٸك. وسىنداي ٶمٸرلٸك جولدا ايانباي ەڭبەك ەتۋلەرٸڭٸز – ول سٸزدەردٸڭ ازاماتتىق جەنە ەلەۋمەتتٸك جاۋاپكەرشٸلٸكتەرٸڭٸزدٸ بٸلدٸرەدٸ. بٸلٸم سالاسىنداعى بولىپ جاتقان ٶزگەرٸستەردٸڭ قوزعاۋشى كٷشٸ – جاس عالىم-پەداگوگتار ەكەنٸ سٶزسٸز. سوندىقتان زامانعا ساي جاڭاشىل ماماندار قاجەت. وسى جولدا سٸزدەرگە ٷلكەن سەنٸم مەن زور ٷمٸت ارتامىز, – دەدٸ گٷلميرا ەمٸرحانقىزى.
جيىن بارىسىندا جاس عالىمدار ٶز ۇسىنىستارى مەن تٸلەكتەرٸن وقۋ ورنىنىڭ باسشىسىنا جەتكٸزٸپ, ويلارىن ورتاعا سالدى.
كەزدەسۋ سوڭىندا ۋنيۆەرسيتەت باسشىسى گٷلميرا قاناي الداعى ۋاقىتتا دا تۇراقتى تٷردە ٶزارا پٸكٸر الماسۋعا, جاس عالىمداردى قولداۋدىڭ بٸرنەشە ٸس-شارالارىن بٸرلەسٸپ دايارلاۋعا جەنە تىڭ يدەيالار مەن ۇتىمدى ۇسىنىستارعا ەردايىم دايىن ەكەندٸگٸن بٸلدٸردٸ.
