گرەكييا ياحتادا جٷرٸپ ٶرت شىعاردى دەگەن قازاقستاندىقتارعا ايىپ تاقتى, دەپ حابارلايدى Dalanews.kz.
ياحتادا بولعان ەكٸ كەمەلەتكە تولماعان بالاعا ايىپ تاعىلماعان. گرەكييا بيلٸگٸ قازاقستاندىق بيلٸكتەن كٶمەك سۇراعان. سەبەبٸ ياحتانى جالعا العان قازاقستاندىقتار جاۋاپ الىنباي, ەلدەن كەتٸپ قالعان كٶرٸنەدٸ.
وقيعا ورنىندا پروكۋرور تاعايىنداعان سوت-مەديتسينالىق ساراپتاما كەزٸندە سەگٸز قازاقستاندىقتىڭ كٸنەسٸ دەلەلدەنگەندٸكتەن ولارعا ايىپ تاعىلعان. كەيبٸر حابارلار بويىنشا, ٶرتسٶندٸرۋشٸلەر ايلاقتان وتشاشۋدىڭ قالدىقتارىن تاۋىپ العان.
سونىمەن قاتار, ياحتانىڭ كاپيتانى مەن بٸرٸنشٸ كٶمەكشٸ دە ۇستالعان. ەكيپياجدىڭ قالعان مٷشەلەرٸ بوساتىلعان.
ايتا كەتەيٸك, Organized Crime and Corruption Reporting Project دەرەكتەرٸنٸڭ مەلٸمەتٸنشە, ٶرتەنگەن ارال جانىنداعى ياحتادا Halyk Bank باسشىسى ٷمٸت شاياحمەتوۆا مەن وليگارح دانييار ابىلعازين بولعان.
دەرەكتەرگە سٷيەنسەك, وقيعا گرەكييانىڭ باستى تۋريزم ورتالىقتارىنىڭ بٸرٸندە بولعان. ارالعا دەمالۋعا كەلگەندەر ياحتادان وتشاشۋ اتقان, ارتىنشا بۇل ورمان ٶرتٸنە سەبەپ بولعان. گيدرا مەرٸ گيورگوس كۋكۋداكيس ەكٸمشٸلٸك ٶرتتٸ ۇيىمداستىرعان شەتەلدٸكتەردٸ سوتقا بەرۋگە نيەتتٸ ەكەنٸن دە ايتقان.
OCCRP(سىبايلاس جەمقورلىق پەن ۇيىمداسقان قىلمىستى زەرتتەۋ ورتالىعى) مەلٸمەتٸنشە, بورتتا بولعان قازاقستاننىڭ تانىمال ازاماتتارى كەلەسٸ كٷنٸ جەكە ۇشاقپەن ەلدەن قاشىپ كەتكەن.
"ٶرت گيدرا ارالىنداعى 300 000 شارشى مەتر اۋماقتى شارپىدى. ۇلتتىق ٶرت سٶندٸرۋ بٶلٸمٸ ٶكٸلدەرٸ ٶرتكە قارسى بٶلٸمشە گرەك ەكيپاجىنىڭ 13 مٷشەسٸن تۇتقىنداعانىن حابارلادى. الايدا اپتاسىنا 250 000 ەۋروعا جالعا الۋعا بولاتىن سەندٸ ياحتاداعى قوناقتاردىڭ ەشقايسى ۇستالماعان", - دەپ جازىلعان دەرەكتە.
قالا مەرٸ "مۋنيتسيپاليتەت كٸنەلٸلەرگە قاتىستى شارالار قابىلداۋ جەنە ٶتەماقى تالاپ ەتۋ ٷشٸن تەرگەۋدٸڭ سوڭعى نەتيجەلەرٸن كٷتٸپ وتىرعانىن" ايتقان.
"پەرسەفونە I" ياحتاسىنىڭ قوناقتارى اراسىندا جەتٸ قازاقستاندىق بولعان. ولاردىڭ اراسىندا قازاقستاننىڭ ەڭ باي ادامدارىنىڭ بٸرٸ دانييار ابىلعازين دە بولدى. ٶرتتەن كەيٸنگٸ كٷنگٸ ۇشۋ تۋرالى جازبالار ابىلعازين ٷنەمٸ پايدالاناتىن جەكە ۇشاق افينا ەۋەجايىنان قازاقستاننىڭ ەڭ ٸرٸ قالاسى الماتىعا ۇشقانىن كٶرسەتەدٸ", - دەپ جازىلعان مەلٸمەتتە.
ابىلعازين بۇل جاعدايعا ەشقانداي پٸكٸر بٸلدٸرمەگەن. كەمە دەكلاراتسيياسىندا بورتتا ابىلعازيننٸڭ ۇلى مەن ونىڭ ەيەلٸ ايدانا سٷلەيمەنوۆا بولعانى دا كٶرسەتٸلگەن.
OCCRP مەلٸمەتتەرٸندە قوناقتاردىڭ قاتارىندا قازاقستاننىڭ ٸرٸ قارجى مەكەمەسٸنٸڭ, حالىق بانكٸنٸڭ باس ديرەكتورى ٷمٸت شاياحمەتوۆا دا بولدى دەگەن اقپارات بار. تٸزٸمدە ونىڭ كٷيەۋٸ بەيٸمبەت شاياحمەتوۆ تە بار, ول - KMG International NV ۇلتتىق مۇناي كومپانيياسىنىڭ بۇرىنعى توپ-مەنەدجەرٸ.
OCCRP تٷسٸنٸكتەمە الۋ ٷشٸن سٷلەيمەنوۆاعا دا, شاياحمەتوۆاعا دا جٷگٸنگەن, بٸراق ولاردىڭ ەشقايسى جاۋاپ بەرمەگەن.
ابىلعازين دە, شاياحمەتوۆا دا نۇرسۇلتان نازارباەۆتىڭ كٷيەۋ بالاسى تيمۋر قۇلىباەۆپەن تىعىز بايلانىستا. ابىلعازين قۇلىباەۆتىڭ بٸرنەشە كومپانيياداعى سەرٸكتەسٸ بولدى. ال شاياحمەتوۆا قۇلىباەۆقا تيەسٸلٸ بانكتە جۇمىس ٸستەيدٸ.
