ەلدە بٸلٸم گرانتى بويىنشا ٶز مٸندەتتەمەسٸن ورىنداماعان تٷلەكتەردەن وسى ۋاقىتقا دەيٸن 7 ميلليارد تەڭگە ٶندٸرٸلگەن, دەپ حابارلايدى dalanews.kz Almaty.tv-عا سٸلتەپ.
زاڭعا سەيكەس مەملەكەتتەن تەگٸن وقۋعا مٷمكٸندٸك العان ستۋدەنتتەر بٸلٸمٸن تولىقتىرعاننان كەيٸن ماماندىعى مەن باعدارلاما تٷرٸنە قاراي ٶز باعىتى بويىنشا كەمٸندە ٷش جىل جۇمىس ٸستەۋگە مٸندەتتٸ. بەلگٸلەنگەن تالاپ ورىندالماعان جاعدايدا ولاردىڭ وقۋىنا جۇمسالعان قاراجات قايتارىپ الىنۋى مٷمكٸن.
بٸلٸم گرانتى تەك مٷمكٸندٸك ەمەس, ٷلكەن جاۋاپكەرشٸلٸك تە جٷكتەيدٸ. زاڭ بويىنشا مەملەكەتتەن تەگٸن وقۋعا مٷمكٸندٸك العان تٷلەكتەر ديپلومىن العان سوڭ ماماندىعىمەن كەمٸندە ٷش جىل ەڭبەك ەتۋگە تيٸس. قازٸر وسى تالاپتى ورىنداۋعا مٸندەتتٸ 350 مىڭعا جۋىق ازامات بار. ال ەڭبەك مٸندەتتەمەسٸن ساقتاماي, جۇمىس ورنىن راستاماعانداردىڭ سانى 6 مىڭنان اسادى. تيٸستٸ تالاپ ورىندالماسا, مەملەكەت وقۋعا جۇمسالعان قاراجاتتى ٶندٸرٸپ الۋى مٷمكٸن.
"اۋىلدىق كۆوتا ششەڭبەرٸندە بٸتٸرگەن پەداگوگ ماماندىقتار ٷشٸن تالاپ - اۋىلدىق ەلدٸمەكەندەگٸ بٸلٸم مەكەمەلەرٸندە جۇمىس ٸستەۋ. ودان بٶلەك, جالپى كونكۋرس بويىنشا تٷسكەن پەداگوگ, مەديتسينا ماماندىقتارى ٷشٸن دە تالاپ بار", - دەدٸ قارجى ورتالىعى اق مونيتورينگ دەپارتامەنتٸنٸڭ جەتەكشٸ مامانى اقزيرا سەرٸكقالي.
مامانداردىڭ ايتۋىنشا, كەيٸنگٸ جىلدارى ەڭبەك مٸندەتتەمەسٸن ورىنداماعان تٷلەكتەردەن مەملەكەت قازىناسىنا 7 ميلليارد تەڭگەگە جۋىق قاراجات ٶندٸرٸلگەن.
