جۋرناليست اسحات نييازوۆ بەلگٸلٸ جازۋشى شىڭعىس ايتماتوۆتىڭ ۇلى ەلدار ايتماتوۆپەن سۇحبات بارىسىندا اسقار اقاەۆ پەن نۇرسۇلتان نازارباەۆقا قاتىستى ەل اراسىندا ايتىلىپ جٷرگەن ەڭگٸمەلەر جايلى سۇرادى, دەپ dalanews.kz تٸلشٸسٸ kznews.kz سايتىنا سٸلتەمە جاساپ حابارلايدى.
الدىمەن جۋرناليست شىڭعىس ايتماتوۆتىڭ قىرعىزستاننىڭ بۇرىنعى پرەزيدەنتٸ اسقار اقاەۆتىڭ بيلٸككە كەلۋٸنە ىقپال ەتكەنٸ تۋرالى اقپاراتقا قاتىستى ساۋال قويدى.
ەلدار ايتماتوۆ بۇل ەڭگٸمەنٸڭ شىندىققا جاناسپايتىنىن ايتتى. ونىڭ سٶزٸنشە, اقاەۆتىڭ كانديداتۋراسىن سول كەزدەگٸ پارتييا ٶكٸلدەرٸ ٶزدەرٸ ۇسىنعان.
"بۇل تولىقتاي شىندىققا سەيكەس كەلمەيدٸ. مەنٸڭ بٸلۋٸمشە, اسقار اقاەۆتىڭ كانديداتۋراسىن پارتييا قايراتكەرلەرٸ ٶزدەرٸ ۇسىنعان. ەكەم بۇل پروتسەسكە قاتىسپاعان, تٸپتٸ اقاەۆتىڭ ۇسىنىلعانىنان دا حابارسىز بولعان", – دەدٸ ول.
سونداي-اق ەلدار ايتماتوۆ شىڭعىس ايتماتوۆتىڭ سول كەزدە قىرعىزستان پرەزيدەنتٸ رەتٸندە باسقا ادامدى كٶرگٸسٸ كەلگەنٸن جەتكٸزدٸ.
سۇحبات بارىسىندا نۇرسۇلتان نازارباەۆقا قاتىستى دا تىڭ دەرەك ايتىلدى. ەلدار ايتماتوۆتىڭ ايتۋىنشا, قازاقستاندا بٸرٸنشٸ باسشىنى تاعايىنداۋ مەسەلەسٸ قارالىپ جاتقان كەزدە نازارباەۆ شىڭعىس ايتماتوۆتان ميحايل گورباچەۆپەن كەزدەسۋ ۇيىمداستىرۋعا كٶمەك سۇراعان.
ونىڭ سٶزٸنشە, باستاپقىدا گورباچەۆ نازارباەۆتى قابىلداعىسى كەلمەگەن.
"نۇرسۇلتان ەبٸشۇلى قابىلداۋ بٶلمەسٸندە كٷتٸپ وتىرعان. ال گورباچەۆ ونىمەن كەزدەسپەيتٸنٸن, سٶيلەسپەيتٸنٸن ايتقان. كەيٸن ەكەم ميحايل سەرگەەۆيچتٸ نازارباەۆتى قابىلداپ, سٶيلەسۋگە كٶندٸردٸ", – دەدٸ ەلدار ايتماتوۆ.
ايتماتوۆتىڭ ۇلى ەكەسٸنٸڭ گورباچەۆكە قازاقستانداعى جاعدايدى تٷسٸندٸرٸپ, باسقا كانديداتتىڭ تاعايىندالۋى ەل ٸشٸندە تولقۋ تۋدىرۋى مٷمكٸن ەكەنٸن ايتقانىن جەتكٸزدٸ.
"سول كەزدە ەكەم بۇل شەشٸمنٸڭ قابىلدانۋىنا بارىنشا ىقپال ەتتٸ", – دەدٸ ول.
ەلدار ايتماتوۆتىڭ بۇل ەستەلٸگٸ شىڭعىس ايتماتوۆتىڭ كەڭەستٸك كەزەڭدەگٸ ساياسي پروتسەستەردە دە سالماعى بولعانىن كٶرسەتەدٸ.
