عىلىم قىزمەتكەرلەرى كۇنى قارساڭىندا «قازاقمىس» توبىندا ونەرتاپقىشتىق باستامالاردى دامىتۋعا باعىتتالعان ءىرى جوبا باستالادى. جوبا قىزمەتكەرلەردىڭ ۇسىنىسىن جيناۋمەن عانا شەكتەلمەي، يننوۆاسيالىق قىزمەتتى جۇيەلى ەكوجۇيەگە اينالدىرۋدى كوزدەيدى. عىلىمي ىزدەنىس پەن جەتىلدىرۋلەردى ءبىر ارناعا توعىستىرۋدى ماقسات تۇتاتىن جوبا كومپانيانىڭ باستى اكتيۆى – جۇمىسكەرلەردىڭ زياتكەرلىك الەۋەتىن دامىتۋعا باسىمدىق بەرەدى.
جوبا ءداستۇرلى ونەرتاپقىشتىق بايقاۋ شەڭبەرىنەن شىعىپ، جۇمىسكەرلەردىڭ پراكتيكالىق تاجىريبەسىن تەرەڭ عىلىمي تاسىلمەن ۇشتاستىراتىن ءوزارا ارەكەتتەستىكتىڭ بىرەگەي مودەلىن قالىپتاستىرادى.
جوبانىڭ عىلىمي باعىتى ءاربىر باستامانى قۇرىلىمىنا قاراي تيىسىنشە دامىتادى. يدەيانى ونەركاسىپتىك ستاندارتقا اينالدىرۋ ۇدەرىسى مىنا كەزەڭدەردى قامتيدى:
- عزتكج الەۋەتىن ىرىكتەۋ: تەرەڭ عىلىمي نەگىزدەۋدى قاجەت ەتەتىن يدەيالارعا باسىمدىق بەرۋ.
- عىلىمي-تەحنيكالىق كەڭەستىڭ (عتك) جۇمىسى: تەرەڭ زەرتتەۋ جۇرگىزۋ جانە جوعارى تەحنولوگيالىق شەشىمدەردى ازىرلەۋ.
- سىناقتان وتكىزۋ: عىلىمي بولجامدى شىنايى وندىرىستىك جاعدايدا مىندەتتى تۇردە تەكسەرۋ.
ماڭىزدى كەزەڭدەردىڭ ءبىرى – زياتكەرلىك مەنشىكتى قورعاۋ. كومپانيا يننوۆاسيالاردى ستراتەگيالىق ينۆەستيسيا رەتىندە قاراستىرادى، سوندىقتان ۇزدىك تۇجىرىمدامالاردىڭ اكەلەتىن جاڭالىعى ساراپتالىپ، كورپوراتيۆتىك دەڭگەيدە پاتەنت جانە اۆتورلىق قۇقىق رەتىندە تىركەلەدى. بۇل زەرتتەۋلەر مەن ازىرلەمەلەر (R&D) سالاسىنداعى قۇندى اكتيۆتەر قورجىنىن قالىپتاستىرۋعا مۇمكىندىك بەرەدى.
مۇنداي ءتاسىلدىڭ تيىمدىلىگى ءىس جۇزىندە دالەلدەندى. يننوۆاسيالار جۇيەسى «قازاقمىس سمەلتينگ» بولىمشەسىندە سىناقتان ءساتتى ءوتتى. نەبارى 1 جىل 8 اي ىشىندە قىزمەتكەرلەر 500 تىڭ يدەيا ۇسىندى، ونىڭ 12%-ى ىسكە اسىرىلدى. بۇل شامامەن 3 ملرد تەڭگە ەكونوميكالىق پايدا اكەلدى. ال يدەيا اۆتورلارى لايىقتى سىياقىعا يە بولدى.
جاڭا جوبانى ىسكە قوسۋ وسى باعىتتاعى جۇمىستى توپ كولەمىندە جۇيەلەپ، عىلىم مەن ءوندىرىستىڭ تۇراقتى دامۋى مەن قاۋىپسىزدىك ءۇشىن ءوزارا تىعىز بايلانىستا ارەكەت ەتەتىن زاماناۋي يننوۆاسيالىق مادەنيەت قالىپتاستىرادى.
