استاناداعى اتىشۋلى گاستروورتالىقتا ورنالاسقان ZIMA تٷنگٸ كلۋبى تٶڭٸرەگٸندە داۋ تۋىندادى. ادۆوكات ەرلان عازىمجانوۆ مەكەمە يەلەرٸنٸڭ كەلٸسٸمٸنسٸز جۇمىسىن جالعاستىرىپ جاتقان كلۋبتى "ٶز بەتٸمەن ەرەكەت ەتتٸ" دەپ ايىپتاسا, پوليتسييا قوعامدىق تەرتٸپتٸ باقىلاۋدا ۇستاپ وتىرعانىن مەلٸمدەدٸ, دەپ حابارلايدى Dalanews.kz.
استاناداعى ZIMA تٷنگٸ كلۋبى مەن گاستروورتالىق يەلەرٸ اراسىنداعى داۋلى جاعدايعا پوليتسييا دەپارتامەنتٸ تٷسٸنٸكتەمە بەردٸ. مەسەلە تۋرالى ادۆوكات ەرلان عازىمجانوۆ مەلٸمدەدٸ.
ZIMA كلۋبى بيشٸمباەۆتىڭ قىلمىستىق ٸسٸنە بايلانىستى اتىشۋلى بولعان عيماراتتا ورنالاسقان. بۇل عيمارات ەكس-مينيستر قۋاندىق بيشٸمباەۆتىڭ اناسىنا تيەسٸلٸ. دەل وسى جەردە بۇرىنعى شەنەۋنٸك ٶزٸنٸڭ ازاماتتىق جۇبايى سالتانات نٷكەنوۆانى ٶلتٸرگەن ەدٸ.
ادۆوكاتتىڭ سٶزٸنشە, كلۋب ارەنداتوردىڭ كەلٸسٸمٸنسٸز ەرٸ جالداۋ شارتى بۇزىلعانىنا قاراماستان جۇمىسىن جالعاستىرىپ جاتىر.
“2024 جىلدىڭ قاڭتارىندا “ZIMA ASTANA” جشس گاستروورتالىقتاعى عيماراتتى جالعا الىپ, وندا ويىن-ساۋىق جەنە قوعامدىق تاماقتانۋ قىزمەتٸن ۇيىمداستىرۋعا كەلٸسٸم جاساعان. الايدا كلۋب اشىلعاننان كەيٸن تۇرعىندار بٸرنەشە رەت ەلەۋمەتتٸك جەلٸلەردە شاعىم قالدىردى: مۋزىكا تاڭعى 5–6-عا دەيٸن توقتامايدى, كٷزەتشٸلەر مەن كەلۋشٸلەر اراسىندا قاقتىعىستار ورىن العان. سونىمەن بٸرگە كاليان مەن ازوت توتىعىنىڭ تاراتىلاتىنى تۋرالى دا اقپارات تٷستٸ”, – دەدٸ ەرلان عازىمجانوۆ.
ونىڭ ايتۋىنشا, جالعا بەرۋشٸلەر شارتتىڭ بۇزىلعانىن ايتىپ, كەلٸسٸمدٸ مەرزٸمٸنەن بۇرىن توقتاتقان. سوعان قاراماستان, كلۋب قىزمەتكەرلەرٸ ەسٸكتٸڭ قۇلپىن بۇزىپ كٸرٸپ, ەلەكتر جەنە بايلانىس جٷيەلەرٸنە قايتا قوسىلىپ, قىزمەتٸن جالعاستىرعان. بارمەندەر تٸپتٸ ەلەكتر قۋاتىن قايتا قوسۋدى تالاپ ەتٸپ, ميتينگ ۇيىمداستىرعان. ال پوليتسييا ولاردى جاۋاپقا تارتپاعان.
“يەلەرٸنٸڭ قۇقىق قورعاۋ ورگاندارىنا بەرگەن ارىزدارى – ٶز بەتٸمەن ەرەكەت ەتۋ مەن تىيىم سالىنعان زاتتاردى تاراتۋ فاكتٸلەرٸ بويىنشا – جاۋاپسىز قالىپ وتىر. تٸپتٸ ەلەكتر قالقانىن قورعاۋعا تاعايىندالعان كٷزەتشٸ قىزمەتٸن اتقارماي, “قالانىڭ جۇمىسىن قامتاماسىز ەتۋ كەرەك” دەپ تٷسٸندٸرگەن”, – دەدٸ ادۆوكات.
ال استانا قالالىق پوليتسييا دەپارتامەنتٸ Informburo ساۋالىنا بەرگەن جاۋابىندا:
جالداۋ شارتىسىز نەمەسە يەسٸنٸڭ كەلٸسٸمٸنسٸز قىزمەت ەتۋ مەسەلەلەرٸ مەملەكەتتٸك كٸرٸستەر ورگاندارىنىڭ قۇزىرەتٸنە جاتاتىنىن ايتتى.
“قۇقىق قورعاۋ ورگاندارى ZIMA تٷنگٸ كلۋبىنداعى قوعامدىق تەرتٸپتٸ تۇراقتى تٷردە باقىلاۋدا ۇستايدى. جىل باسىنان بەرٸ 102 نٶمٸرٸنە كلۋب جۇمىسىنا قاتىستى شاعىمدار تٷستٸ. ولاردىڭ ٸشٸندە تىنىشتىقتى بۇزۋ, دەنە جاراقاتىن سالۋ, مٷلٸكتٸ ۇرلاۋ, ۇساق بۇزاقىلىق, تىيىم سالىنعان جەردە شىلىم شەگۋ جەنە باسقا دا قۇقىقبۇزۋشىلىقتار بار. تەكسەرۋ نەتيجەسٸندە كٸنەلٸلەر ەكٸمشٸلٸك جاۋاپكەرشٸلٸككە تارتىلدى”, – دەلٸنگەن رەسمي حابارلامادا.
سونىمەن قاتار كلۋب ەكٸمشٸلٸگٸنە قۇقىقبۇزۋشىلىقتارعا جول بەرگەن سەبەپتەر مەن جاعدايلاردى جويۋ جٶنٸندە بٸرنەشە ۇيعارىم ەنگٸزٸلگەن.
ەسٸل اۋداندىق پوليتسييا قىزمەتكەرلەرٸنٸڭ ٸس-ەرەكەتتەرٸنٸڭ زاڭدىلىعى دا تەكسەرٸلٸپ, ولاردىڭ تاراپىنان تەرتٸپتٸك تەرٸس قىلىق بەلگٸلەرٸ انىقتالماعان.
پوليتسييا دەپارتامەنتٸنٸڭ مەلٸمەتٸنشە, دەمالىس جەنە مەرەكە كٷندەرٸ تٷنگٸ كلۋبقا قوعامدىق تەرتٸپتٸ كٷزەتۋ ٷشٸن جەكە ناريادتار بٶلٸنەدٸ. قاۋٸپسٸزدٸك پەن زاڭ تالاپتارىنىڭ ساقتالۋىن قامتاماسىز ەتۋ شارالارى تۇراقتى جٷرگٸزٸلۋدە.
