فۋتبولدان ەلەم چەمپيوناتىنىڭ ٸرٸكتەۋ كەزەڭٸندە قازاقستان ۇلتتىق قۇراماسى ٶز الاڭىندا ليحتەنشتەينمەن كەزدەسٸپ, قارسىلاس كوماندانى 4:0 ەسەبٸمەن ويسىراتا جەڭدٸ, دەپ حابارلايدى Dalanews.kz.
ماتچتىڭ العاشقى جارتىسىندا-اق قازاقستاندىقتار قارسىلاس قاقپاسىنا ەكٸ گول سوعىپ, ويىن تٸزگٸنٸندە كٶش باستادى. 26-مينۋتتا ەسەپتٸ “ەلٸماي” شابۋىلشىسى عالىمجان كەنجەبەك اشسا, اراعا ەكٸ مينۋت سالىپ باقتييار زاينۋتدينوۆ قارقىندى سوققىمەن ەسەپتٸ ەسەلەي تٷستٸ. ەكٸنشٸ تايمدا كەنجەبەك دۋبل جاساپ, كومانداسىنىڭ باسىمدىعىن نىعايتتى. ال ويىن سوڭىندا قۇرامانىڭ جاڭا ويىنشىسى ەلٸبەك قاسىم دەبيۋتتٸك كەزدەسۋٸندە گول سوعىپ, ويىندى 4:0ەسەبٸمەن تٷيٸندەدٸ.
بۇل جەڭٸس قازاقستان قۇراماسى ٷشٸن ٸرٸكتەۋ كەزەڭٸندەگٸ ەكٸنشٸ تابىس بولدى. قوس ماتچتىڭ دا جەڭٸسٸ ليحتەنشتەينگە قارسى تٸركەلگەن. ەندٸ تالعات بايسۋفينوۆتىڭ شەكٸرتتەرٸ كەلەسٸ ويىنىن 13 قازاندا سكوپەدە سولتٷستٸك ماكەدونييا قۇراماسىنا قارسى ٶتكٸزەدٸ.
