Fýtboldan Álem chempıonatynyń irikteý kezeńinde Qazaqstan ulttyq quramasy óz alańynda Lıhtenshteınmen kezdesip, qarsylas komandany 4:0 esebimen oısyrata jeńdi, dep habarlaıdy Dalanews.kz.
Machtyń alǵashqy jartysynda-aq qazaqstandyqtar qarsylas qaqpasyna eki gol soǵyp, oıyn tizgininde kósh bastady. 26-mınýtta esepti “Elimaı” shabýylshysy Ǵalymjan Kenjebek ashsa, araǵa eki mınýt salyp Baqtıar Zaınýtdınov qarqyndy soqqymen esepti eseleı tústi. Ekinshi taımda Kenjebek dúbl jasap, komandasynyń basymdyǵyn nyǵaıtty. Al oıyn sońynda quramanyń jańa oıynshysy Álibek Qasym debúttik kezdesýinde gol soǵyp, oıyndy 4:0esebimen túıindedi.
Bul jeńis Qazaqstan quramasy úshin irikteý kezeńindegi ekinshi tabys boldy. Qos machtyń da jeńisi Lıhtenshteınge qarsy tirkelgen. Endi Talǵat Baısýfınovtyń shákirtteri kelesi oıynyn 13 qazanda Skopede Soltústik Makedonıa quramasyna qarsy ótkizedi.
