الماتى وبلىسى شەلەك اۋىلىنىڭ 1982 جىلعى تۋماسى, جٷك كٶلٸگٸنٸڭ جٷرگٸزۋشٸسٸ نۇرجان جاناەۆ باق پەن قۇزىرلى ورگانداردان كٶمەك سۇرادى. ول بەس كٷننەن بەرٸ كەدەندٸك قۇجاتتارعا بايلانىستى ەزەربايجان اۋماعىنان شىعا الماي وتىر, دەپ حابارلايدى Dalanews.kz.
جٷرگٸزۋشٸنٸڭ ايتۋىنشا, ول قىتايدان ەزەربايجانعا بٸرٸنشٸ رەت كٶلٸك تاسىمالداپ بارعان. بۇل ساپارىندا ول سەگٸز كٶلٸك الىپ بارعان, ەر ەكٸ كٶلٸككە بٸر CMR جٷكقۇجاتى رەسٸمدەلگەن. بارلىعى تٶرت CMR قۇجاتى بولعان.
"مەن قۇجاتتاردى تەكسەرۋگە تەرەزەدەن بەردٸم. قايتارعانان كەيٸن بايقاسام, قولىمداعى قۇجاتتار تولىق ەمەس, ٸشٸندە بٸر-بٸر پاراقتان جوق. بٸر قۇجاتتا ٷش بەتتٸڭ بٸرەۋٸ جوق, ەكٸنشٸسٸندە شوت-فاكتۋرا جەتٸسپەيدٸ. سولاي الىپ قالعان سيياقتى. ٶزٸم جوعالتسام تولىق قۇجاتتى جوعاتپايمىن با, اراسىنان بٸر-بٸردەن ەمەس", - دەيدٸ جاناەۆ.
ول ەزەربايجاننان شىعۋعا ەرەكەت جاساعان كەزدە شەكارا قىزمەتكەرلەرٸ قۇجاتتار تولىق ەمەستٸگٸن ايتىپ, ونى ٶتكٸزۋدەن باس تارتقان.
"مەن قىتايدان قۇجاتتاردىڭ كٶشٸرمەسٸن سۇرادىم, ولار ماعان PDF فورماتىندا جٸبەردٸ. سٶيتٸپ جوق قۇجاتتاردى تولتىرعان بولدىم, بٸراق ەندٸ ولاردا رەسەيدٸڭ قىزىل مٶرٸ بولۋى كەرەك دەيدٸ. ال ول مٶرسٸز مەنٸ شىعارماي وتىر", — دەپ تٷسٸندٸردٸ جٷرگٸزۋشٸ.
ول مٶر قولىنداعى قۇجاتتىڭ كٶشٸرمەسٸندە انىق كٶرٸنٸپ تۇرعانىن ايتادى. قۇجاتتى قابىلداپ العان كەزدە تٷپنۇسقانى الىپ قالىپ, كٶشٸرمەسٸن بەرەدٸ, سول كٶشٸرمەدە قىزىل مٶر بار.
"الايدا ونى قابىلداماي وتىر", دەيدٸ ول.
جاعدايدى قيىنداتىپ تۇرعان جايت: شەكارادا ونىڭ تٶلقۇجاتىن كەپٸل رەتٸندە الىپ قويعان.
"ال ەندٸ مٶر قوي دەپ جاتىر, ال مەندە قۇجات تا, تٶلقۇجات تا جوق بولعاندىقتان, ول جەرگە (تەرمينالعا – ەسك.) كٸرە الماي وتىرمىن", — دەيدٸ ول.
جاناەۆتىڭ ايتۋىنشا, ول قازاقستان ەلشٸلٸگٸنە دە جٷگٸنگەن. كونسۋل ەسەل ەسٸمدٸ قىزمەتكەر كٶمەكتەسەمٸن دەپ ۋەدە بەرگەن, بٸراق ۋەدە ورىندالماعان.
"ول "قازٸر, قازٸر" دەدٸ, بٸراق بٸراز ۋاقىت ٶتكەنٸمەن, ەشقانداي ەرەكەت جاسامادى. مەنٸڭ كٶلٸكتە جاتقانىمa بەس كٷن بولدى", — دەدٸ جٷرگٸزۋشٸ.
ول وسى مەسەلەگە "باق نازار اۋدارسا ەكەن" دەيدٸ, ٶيتكەنٸ قۇربان ايتقا بايلانىستى شەكارا جابىلسا, جاعدايى مٷلدەم قيىنداعالى تۇرعانىن ايتادى.
