ينۆەستيسيا جاساعان كەزدە ىرگەلى تالداۋدى قولدانۋ 3 نەگىزگى بولجامعا نەگىزدەلەدى، ولار:
- اكسيانىڭ ءدال ءقازىر كورسەتىلگەن باعاسى كوبىنەسە وزىندىك قۇنىنا ساي بولا بەرمەيدى؛
- كومپانيانىڭ نەگىزگى دەرەكتەرىندە كورسەتىلگەن باعا اكسيالاردىڭ ءوز قۇنىنا جۋىق بولۋى مۇمكىن؛
- ۇزاق مەرزىمدى ۋاقىتتا قور نارىعى باعالى قاعاز قۇنىن شىنايى باعاسىنا جاقىنداتۋعا بەيىم.
ىرگەلى تالداۋشىلار قارجىلىق جانە باسقا دا ىرگەلى فاكتورلارعا نەگىزدەلگەن اكسيانىڭ «ناقتى» قۇنىن انىقتاۋعا تىرىسادى. قارجىلىق جانە باسقا ىرگەلى فاكتورلارعا سايكەس ونىڭ قۇنى قانشا بولۋى كەرەك دەگەن ساۋالعا جاۋاپ ىزدەيدى. ول ءۇشىن ونى قازىرگى نارىقتاق باعامەن سالىستىرادى. نارىقتاعى باعا ىرگەلى كورسەتكىشتەرگە جەتكەندە، ينۆەستيسيا پايدا اكەلەدى.
سوندىقتان ىرگەلى تالداۋدى نەگىزىنەن قاراجاتىن ۇزاق مەرزىمگە قۇياتىن ينۆەستورلار پايدالانادى. مىسالى، ۋوررەن باففەت وسىنداي ينۆەستورلاردىڭ قاتارىنان. سونداي-اق، ينۆەستيسيالىق نەمەسە كونسالتينگتىك كومپانيالاردىڭ قارجىلىق تالداۋشىلارى باعا ماقساتتارى مەن كليەنتتەرگە ۇسىنىستاردى انىقتاۋ ءۇشىن ىرگەلى تالداۋعا جۇگىنەدى.
تەحنيكالىق تالداۋ جاساماي، باعانىڭ ىقتيمال قوزعالىسىن بولجاۋ مۇمكىن ەمەس. عاسىردان استام ۋاقىت بويى دۇنيەجۇزىندەگى ميلليونداعان ترەيدەرلەر قور نارىعىنان پايدا تابۋ ءۇشىن تەحنيكالىق تالداۋ جاساپ كەلەدى.
ول ءۇشىن سۇرانىس پەن ۇسىنىستىڭ بالانسى نىساناعا الىنادى. سۇرانىس ۇسىنىستان اسىپ كەتسە نەمەسە كەرىسىنشە، ازايا باستاسا، نارىق قاتىسۋشىلارىن زەرتتەۋ قاجەت ەتىلەدى.
تەحنيكالىق تالداۋدىڭ نەگىزگى ءۇش قاعيداسى بار:
- باعا باعاعا اسەر ەتەتىن بارلىق فاكتورلاردى ەسكەرەدى؛
- باعا قوزعالىسى قوعامداعى ۇردىستەر مەن ترەندتەرگە باعىنادى
- تاريح قايتالانادى
وسى قاعيدالاردىڭ ءارقايسىسىن تولىعىراق قاراستىرايىق:
بولجاۋ ءۇشىن تالاپ ەتىلەتىن جۇمىس - باعالار كەستەسىن زەرتتەۋ. ءبىراق ونىمەن قاتار جان-جاقتى بولۋعا ۇمتىلۋ كەرەك، ادىستەردى بىرىكتىرۋ ماڭىزدى.
باعا قوزعالىسى ۇردىستەر مەن ترەندكە باعىنادى. بۇگىنگى تاڭدا ءۇش نەگىزگى ءۇردىس بار، ولار: تومەندەۋ، كونسوليداسيا جانە جوعارىلاۋ. باعا دياگرامماسىنىڭ نەگىزگى ماقساتى – بۇل ۇردىستەردى ولاردىڭ دامۋىنىڭ باستاپقى كەزەڭدەرىندە جانە ولاردىڭ باعىتىنا سايكەس انىقتاۋ.
تاريح قايتالانادى. بۇرىن ىقپال ەتكەن فاكتورلار (ەكونوميكالىق سيكلدار، داعدارىستار) ءقازىر دە بار جانە بولاشاقتا دا بولادى.
تەحنيكالىق تالداۋدىڭ باستى ارتىقشىلىعى - ونى كەز كەلگەن نارىقتا قولدانۋعا بولادى. گرافيكتەرگە نازار اۋدارا وتىرىپ، تەك اكسيالار عانا ەمەس، كەز كەلگەن ءونىم باعاسى قالاي قۇبىلاتىنىن بولجاي الاسىز. سونداي-اق كەز كەلگەن ۋاقىت ارالىعىن باعالاۋعا مۇمكىندىك بەرەدى. تەحنيكالىق تالداۋ نەگىزدەرىن بىلە وتىرىپ، كوپتەگەن ساراپشىلاردىڭ اناليتيكالىق پايىمداۋلارىنا قاراماي-اق مامىلە جاساي الاسىز.
ينۆەستور ءاربىر باعالى قاعازدىڭ باعاسىنا قاتىستى شەشىم قابىلدار الدىندا بۇرىن جاسالعان ماكروەكونوميكالىق جانە سالالىق تالداۋ دەرەكتەرىن پايدالانادى. كوبىنەسە ينۆەستورلار ىرگەلى تالداۋدا قولداناتىن سالىستىرمالى ءتاسىلدى نەگىزگە الىپ، باعالانباعان اكسيالارعا ولار ارزان بولعاندىقتان ەمەس، ۇقساس بيزنەس ۇلگىلەرى كەيىن جاقسى تابىس اكەلگەن جاعدايلار بولعاندىقتان تاڭداۋ جاسايدى.
بۇل ءتاسىلدى پراكتيكادا جۇزەگە اسىرۋ وڭاي. ينۆەستور باعالى قاعازدىڭ قانشا تۇراتىنىنا ءمان بەرمەيدى، ءبىراق باعالانباعان باعالى قاعازداردىڭ ەڭ تومەنگى كورسەتكىشتەرىنە نازار اۋدارادى. مۇنداي سالىستىرۋدىڭ نەگىزگى بولىگى كومپانيانىڭ قارجىلىق ناتيجەلەرىن دە، اكسيالاردىڭ نارىقتىق قۇنىن دا ەسكەرەتىن مۋلتيپليكاتور – كوەففيسيەنت كومەگىمەن جۇزەگە اسىرىلادى. ول نەعۇرلىم تومەن بولسا، كومپانيا ينۆەستيسيانىڭ ءاربىر تيىنىنان كوبىرەك پايدا تابادى.
ەڭ تومەن باعالانعان اكسيالار ەڭ از ەسەلەنگەن اكسيالاردىڭ اراسىندا بولاتىنى انىق. ءبىراق بۇل ءتاسىل ءتۇرلى بيزنەس ۇلگىلەرى ءۇشىن بىردەي بولمايتىنىن ەستە ۇستاعان ءجون.
Freedom Broker ساراپشىلارىنىڭ كەڭەستەرى
- ەڭ الدىمەن ءوز سەگمەنتتەرىندە ىرگەلى كورسەتكىشتەرگە يە، سەنىمدى كوشباسشىلارى بار جەتەكشى كومپانيالارعا نازار اۋدارۋ قاجەت.
- بولاشاقتا ءوسۋ قارقىنىن ساقتايدى دەگەن سەنىم بولۋى ءۇشىن كومپانيانىڭ جوعارى وسىمگە يە ماقساتتى نارىعىنىڭ بولۋى قۇپتارلىق. ەكونوميكالىق الەۋەتى بار، باسەكەگە توتەپ بەرە الاتىن، تۇراقتى دامۋ باعىتىنا تۇسكەن ينۆەستيسيالىق پوزيسيالاردىڭ ۇزاق مەرزىمدى تابىسقا جەتۋ ىقتيمالدىعى جوعارى.
- كومپانيانىڭ جانە ونىڭ بيزنەسىنىڭ قىر-سىرىن ءتۇسىنۋ ماڭىزدى. بۇل شەشىم قابىلداۋ ءۇشىن بەرىك نەگىز بولىپ قانا قويمايدى، سونىمەن قاتار نارىقتىق اۋىتقۋلار كەزىندە ەموسيونالدىق تۇراقتىلىقتى ساقتاۋعا كومەكتەسەدى، بۇل - ايتارلىقتاي ماڭىزدى فاكتور.
- تەحنيكالىق تالداۋ تۋرالى ايتاتىن بولساق، ءسىز ۇزاق مەرزىمدى ءوسۋ ترەندىنە يە، ورتا ەسەپپەن 200 كۇننەن كوپ ءوسىم كورسەتكەن اكسيالاردى قاراستىرۋىڭىز كەرەك.
- ەگەر اكسيا باعاسى ايتارلىقتاي تومەندەگەن بولسا، وندا اكسيا باعاسىنىڭ قۇلدىراۋىن توقتاتىپ، كوتەرىلە باستايتىن دەڭگەيلەردى انىقتاۋ ءۇشىن اكسيا باعالارى دياگراممالارىن تالداۋ كەرەك. سونداي-اق ينۆەستور RSI (سالىستىرمالى كۇش يندەكسى) ينديكاتورىنا نازار اۋدارۋى كەرەك جانە RSI باعا ترەندىنىڭ مۇمكىن كەرى وزگەرۋىن كورسەتەتىن جاعدايلاردى ىزدەۋى كەرەك. وسىلايشا، نارىققا كىرۋ ءۇشىن قولايلى ءساتتى تاڭداۋ ءۇشىن ينۆەستور دياگراممالاردى مۇقيات قاداعالاپ، باعانىڭ ىقتيمال كوتەرىلۋىن بىلدىرەتىن كولبەۋ ارنالار مەن جەرگىلىكتى قارسىلىقتار سياقتى اكسيالاردىڭ باعاسى بەلگىلى ءبىر دەڭگەيدەن وتكەندە پوزيسياعا كىرۋى كەرەك.
«جالپى، كۇشتى ىرگەلى كورسەتكىشتەر مەن تارتىمدى تەحنيكالىق سەتاپتار ۇيلەسىمى تابىستى ينۆەستيسيالىق سەنارييدى قالىپتاستىرادى. كومپانيانىڭ كورسەتكىشتەرى تارتىمدى جانە ءوسۋ الەۋەتى كۇشتى بولسا، تاۋەكەل مەن تابىس اراقاتىناسى بويىنشا تۇراقتى قور ديناميكاسىمەن بىرگە تابىسقا جەتۋ ىقتيمالدىعى الدەقايدا جوعارى بولادى.
سونىمەن قاتار، ينۆەستيسيالاۋ ونەرى تۇراقتى ءبىلىم الۋدى، تاۋەكەلدەردى مۇقيات باسقارۋدى جانە جالپى ينۆەستيسيالىق پورتفەلدەر مەن اكتيۆتەردى ءارتاراپتاندىرۋدا ستراتەگيالىق جوسپاردى تالاپ ەتەتىنىن ۇمىتپاڭىز»، - دەيدى Freedom Finance Global تالداۋشىسى تامەرلان ابسالياموۆ.
تاقىرىپتى جاقسىراق ءتۇسىنۋ ءۇشىن Freedom Academy-گە حابارلاسۋعا بولادى. وندا تالداۋدىڭ ەكى ءتۇرى بويىنشا كۋرستار بار. ولار ونلاين، وفلاين جانە جەكە فورماتتا وتەدى، سونىمەن قاتار قور نارىعىندا تابىستى ساۋدا جاساۋ ءۇشىن بارلىق قاجەتتى ءبىلىم مەن قۇرالداردى ۇسىنادى.
كۋرس باعدارلامالارى 10 ساعاتقا (5 كۇن) شاقتالعان جانە نەگىزگى تاقىرىپتاردى قامتيدى. ءاربىر ساباقتان سوڭ الىنعان ءبىلىمدى ناقتى تاجىريبەدە سىناپ كورۋگە بولادى. ستۋدەنتتەر TradingView رەسۋرسىمەن، Yahoo finance جانە Finviz تانىمال اناليتيكالىق پورتالدارىمەن جۇمىس ىستەۋدى ۇيرەنەدى.
ال «تەحنيكالىق تالداۋ» كۋرسىندا ستۋدەنتتەر ناقتى ۋاقىت رەجيمىندە ءىرى كومپانيالاردىڭ اكسيالارى بويىنشا تەحنيكالىق تالداۋ قۇرالدارىن ۇيرەنەدى جانە ولاردى قولدانىپ كورەدى. ستۋدەنتتەر ناقتى بروكەرلىك شوتتار بويىنشا بولاشاعى بار مامىلەلەردى جاسايدى. Freedom Academyء-دىڭ ءار سپيكەرى - قور نارىعىندا 15 جىلدان استام تاجىريبەسى بار تاجىريبەلى ينۆەستور نەمەسە ترەيدەر. تالىمگەرلەر ناقتى ۋاقىت رەجيمىندە جانە ءوز جاعدايلارى ارقىلى بيرجادا تابىستى ساۋدا جاساۋ جانە اقشا تابۋ ءۇشىن تەحنيكالىق جانە ىرگەلى تالداۋ قۇرالدارىن قالاي قولدانۋ جانە بىرىكتىرۋ كەرەكتىگىن كورسەتەدى.
