فرانسيا قازاقستاندا العاشقى اەس سالۋ جوباسىن ىسكە اسىرۋ، سونداي-اق شاعىن مودۋلدىك رەاكتورلاردى دامىتۋ پەرسپەكتيۆالارىن زەردەلەۋ بويىنشا ىنتىماقتاستىققا دايىن ەكەنىن ءبىلدىردى.

2023 جىلعى 2 مامىردا ق ر ەنەرگەتيكا ءمينيسترى الماسادام ساتقالييەۆ سىرتقى ساۋدا، ەكونوميكالىق تارتىمدىلىق جانە شەتەلدەگى فرانسۋز ازاماتتارى ماسەلەلەرى جونىندەگى فرانسيا رەسپۋبليكاسىنىڭ دەلەگات – ءمينيسترى وليۆە بەشتپەن كەزدەستى.

كەزدەسۋدە ەنەرگەتيكا سالاسىنداعى ىنتىماقتاستىقتىڭ كەلەشەگى، سونىمەن قاتار قازاقستاندا اتوم ەنەرگەتيكاسىن دامىتۋ پەرسپەكتيۆالارى تالقىلاندى.

اەس الماتى وبلىسىنداعى ۇلكەن كەنتىنىڭ اۋدانىندا بوي كوتەرەدى دەپ كۇتىلۋدە. ەنەرگەتيكا مينيسترلىگىنىڭ مالىمەتىنشە، قۇرىلىس جۇمىستارى 10 جىلعا دەيىن سوزىلۋى مۇمكىن.



ەلدىڭ 2035 جىلعا دەيىنگى ەنەرگەتيكالىق ساياساتىندا  جالپى قۋاتى 2،4 گۆت بولاتىن اتوم ەلەكتر ستانسياسىن سالۋ كوزدەلگەن.

قازاقستان قاراستىرىپ وتىرعان يادرولىق تەحنولوگيانى الەۋەتتى جەتكىزۋشىلەر تىزىمىنە كەلەسى ءتورت كومپانيا كىرەدى. بۇلار: قىتايدىڭ CNNC، فرانسيانىڭ EDF جانە وڭتۇستىك كورەيانىڭ KHNP جانە رەسەيدىڭ روساتوم-ى.

https://dalanews.kz/ekonomika/88872-home-card-lite-ieleri-osy-zhyldyng-algashqy-3-ayynda-556-m