تاعى بٸر توسىن قۇبىلىس: قاڭتاردان كەيٸن ساياسي الاڭنان الاستالعان بولات ٶتەمۇراتوۆ سوڭعى كەزدە ٶزٸنٸڭ يميدجٸن تٷزەۋگە قاۋىرت كٸرٸسكەن. بۇعان نە تٷرتكٸ بولدى?..
«ٶتەمۇراتوۆتىڭ كٶل-كٶسٸر بايلىعى حالىقتىڭ كٶز جاسىنا شىلانعان. ول ەرٸ كەتكەندە «نازارباەۆتىڭ ەمييانى» عانا. وسى مٸندەتتٸ ادال اتقارعانى بولماسا, ٶز ەڭبەگٸمەن بايىعان باسقا بيزنەسمەندەردٸڭ جانىندا جٸپ ەسە المايدى. ەسكٸ قازاقستانداعى كوررۋپتسييالىق سيستەما, وفشور داۋلارىنىڭ بٸردە-بٸرٸ ٶتەمۇراتوۆتىڭ تۇلعاسىن اينالىپ ٶتپەيدٸ. بارىمتا, سىرىمتامەن تابىلعان كاپيتالدى سىرتقا تاسۋدا نازارباەۆ ٶتەمۇراتوۆقا سەنٸم ارتتى», - دەيدٸ باتىس باسىلىمى.
سٶيتكەن بٶكەڭ سوڭعى كەزدە ەلدەنەدەن سەزٸكتەندٸ مە, ەيتەۋٸر رەپۋتاتسيياسىن تٷزەۋگە قىزۋ كٸرٸسٸپتٸ.
Trinity Bugle-دىڭ ايتۋىنشا ٶتەمۇراتوۆ كٷندەردٸڭ كٷنٸ ٶزٸنە دە كەزەك كەلەرٸن دە تٷسٸنە باستاعان. حالىقتىڭ كەۋدەسٸن كەرنەگەن اشۋ-ىزا شەتەلدە شالقىپ ٶمٸر سٷرەتٸن قازاق وليگارحىن الىسقا ۇزاتپايدى.
«كەشەگە دەيٸن Forbes تٸزٸمٸندە كٶش باستاپ كەلگەن ٶتەمۇراتوۆ اياقاستىنان 6-شى ساتىعا سىرعىپ تٷستٸ. كەشەگە دەيٸن 3,5 ملرد دوللاعرا يەلٸك ەتكەن «نازارباەۆتىڭ ەمييانى» ەپ-cەتتە 700 ملن دوللارعا «كەدەيلەنٸپ» قالدى.
Forbes وليگارحتىڭ بايلىعىن 2,8 ملرد دولللارعا دەيٸن تٶمەندەتتٸ. دەمەك, باسىلىم باسشىلىعى مەن ٶتەمۇراتوۆتىڭ اراسىندا كەلٸسسٶز جٷرگەن», - دەيدٸ Trinity Bugle.
باتىس باسىلىمى «Forbes ٶتەمۇراتوۆتان پارا الۋى مٷمكٸن» دەپ توپشىلايدى.
«شٸرٸگەن بايلاردىڭ رەيتينگٸن تٷزەتٸن جۋرنالدىڭ شيكٸلٸگٸ كٶپ. مەسەلەن, تٸزٸمدە قايرات ساتىبالدى ەسٸم-سويى جوق. نەگە? نازارباەۆتىڭ نەمەرە ٸنٸسٸ شىن مەنٸندە ەلدەگٸ ەڭ باي ادامنىڭ بٸرٸ. ساتىبالدىنىڭ ٷستٸنەن ٸس قوزعالماي تۇرا دا Forbes ونى تٸزٸمگە كٸرگٸزۋگە باتپادى.
ال ەسكٸ قازاقستاننىڭ تۇسىندا Forbes رەيتينگٸنەن تٷسپەي, قۇلىباەۆپەن تالاسىپ جٷرەتٸن ٶتەمۇراتوۆ ارتىن تازالاۋعا كٶشتٸ. ٶزٸنٸڭ يميدجٸن جاقسارتىپ, پرەستيجٸن كٶتەرۋ ٷشٸن بيزنەس-باسىلىمداردىڭ اۋزىن مايلاۋعا كٸرٸستٸ. ونىڭ قايىرىمدىلىق شارالارى دا كٶز الداۋ», - دەيدٸ Trinity Bugle.
اقوردا ٶتەمۇراتوۆتىڭ ەلگٸندەي قۋلىق-سۇمدىققا بارۋىنىڭ تٷپكٸ ماقساتىن تٷسٸنٸپ وتىر. توقاەۆتىڭ تٶڭٸرەگٸ ونىڭ «كەدەيلەنٸپ» قالعانىنا سەنبەيدٸ. حالىقتىڭ اقىل-ويى دا تاياز ەمەس. ەل الدىنداعى بەت-ەلپەتٸن تٷزەگٸسٸ كەلەتٸن بٶكەڭنٸڭ ەرەكەتٸ شىنايى ەمەسٸن سەزەدٸ.
سٶي دەگەن Trinity Bugle قازاق وليگارحىنا قاتىستى باسقا دا كومپروماتتى ەشكەرە ەتكەن ەكەن. ايتۋلارىنشا, ەبليازوۆتىڭ اكتيۆتەرٸن قازاقستاننان شىعارۋعا ٶتەمۇراتوۆتىڭ كومپانييالارى اتسالىسقان…
«ەيتسە دە, ونى تۇزاققا تٷسٸرۋ قيىن بولادى. ٶز اتىندا ەشتەڭە جوق. بٷكٸل اكتيۆٸن Verny Capital-عا اۋدارىپ تاستاعان. بۇل قاتارداعى كومپانييا ەمەس, بٷتٸن بيزنەس يمپەرييا. ول تابىسىن جاسىرۋدىڭ نەبٸر قۇيتىرقى تەسٸلدەرٸن بٸلەدٸ», - دەيدٸ باتىس باسىلىمى.
Dala Inside ارناسىنىڭ پايىمداۋىنشا بٶكەڭ سىرتقى زاڭسىز شىعارىلعان كاپيتالدى قايتارۋعا كٸرٸسكەن جاڭا قازاقستاننىڭ قارقىنىنان قورقىپ وتىر. ال بايتاسوۆ باسقاراتىن Forbes-قا قويار ساۋالىمىز كٶپ. ٶتەمۇراتوۆتىڭ مانيپۋلياتسيياسى باسقا دا بايلارعا دا وي سالۋى مٷمكٸن. الداعى ۋاقىتتا وسى تٸزٸمنٸڭ وندىعىندا جٷرگەن وليگارحتار كٷرت «كەدەيلەنە» باستاسا تاڭ قالماڭىز.
