ۇشاقتا بورتسەرىكتى ۇرىپ جىبەرىپ، بومبا تۋرالى حابار بەرگەن جولاۋشى جازالاندى، دەپ حابارلايدى Dalanews.kz.

ءىس 20 اقپاندا استانا قالاسىنىڭ قىلمىستىق ىستەر جونىندەگى اۋدانارالىق سوتىندا قارالدى. تەرروريزم اكتىسى تۋرالى كورىنەۋ جالعان حابارلاعان جانە اۋە كەمەسىنىڭ بورتىندا بۇزاقىلىق جاساعانى ءۇشىن جولاۋشىعا قاتىستى ۇكىم شىعاردى.

سوتتالۋشى جولاۋشى ماساڭ كۇيىندە «FlyArystan» اق-نىڭ استانا – وسكەمەن باعىتىنداعى اۋە كەمەسى بورتىندا بۇزاقىلىق جاساعان. ول ۇشاقتىڭ بورتسەرىگىنە كۇش كورسەتىپ، ونى ۇرىپ-سوعىپ جانە جولاۋشىنىڭ ەسكەرتۋىن ەلەمەستەن، ونى دا ۇرىپ-سوعىپ، ەكى جابىرلەنۋشىگە دە دەنە جاراقاتىن كەلتىرگەن.

سونىمەن قاتار، ول بومبا بارىن حابارلاعان. ونىڭ جالعان حابارلاماسى سالدارىنان 153 جولاۋشى ءتۇسىرىلىپ، قايتا تەكسەرۋدەن ءوتىپ، كولىكتەگى پوليسيا دەپارتامەنتى مەن «FlyArystan» اق-عا ماتەريالدىق شىعىن كەلتىرىلگەن (قك-نىڭ 273-بابى). سوتتالۋشىنىڭ كىناسى ونىڭ مويىنداۋىمەن، جابىرلەنۋشىلەردىڭ ايعاقتارىمەن، ساراپشىلاردىڭ قورىتىندىلارىمەن جانە قىلمىستىق ءىستىڭ باسقا دا ماتەريالدارىمەن دالەلدەندى.

پروكۋرور 3 جىلعا باس بوستاندىعىنان ايىرۋدى سۇرادى. سوتتالۋشى ءوز كىناسىن تولىق مويىنداپ، قورعاۋشى تاراپ پەن سوتتالۋشىنىڭ ءوزى باس بوستاندىعىنان ايىرۋمەن بايلانىستى ەمەس جازا تاعايىنداۋدى سۇرادى.

سوت كامەلەتكە تولماعان بالاسىنىڭ بولۋىن جانە شىن جۇرەكتەن وكىنۋىن جاۋاپتىلىق پەن جازانى جەڭىلدەتەتىن ءمان-جايلار دەپ تانىدى. اۋىرلاتاتىن ءمان-جاي رەتىندە ورتاشا دارەجەدەگى الكوگولدىك ماساڭ كۇيدە بولۋى تانىلدى.

جاسالعان قۇقىق بۇزۋشىلىقتاردىڭ ءمان-جايلارىن، اۋىرلاتاتىن ءمان-جايدىڭ بولۋىن ەسكەرە وتىرىپ، سوت ۇكىمىمەن سوتتالۋشى ت. قك-نىڭ 273-بابى جانە 293-بابى 2-بولىگىنىڭ 4) تارماعى بويىنشا كىنالى دەپ تانىلىپ، قىلمىستىق قۇقىق بۇزۋشىلىقتاردىڭ جيىنتىعى بويىنشا 3 جىلعا باس بوستاندىعىنان ايىرىلدى.

ۇكىم زاڭدى كۇشىنە ەنگەن جوق.