Ushaqta bortserikti uryp jiberip, bomba týraly habar bergen jolaýshy jazalandy, dep habarlaidy Dalanews.kz.
Is 20 aqpanda Astana qalasynyń qylmystyq ister jónindegi aýdanaralyq sotynda qaraldy. Terrorizm aktisi týraly kórineý jalǵan habarlaǵan jáne áýe kemesiniń bortynda buzaqylyq jasaǵany úshin jolaýshyǵa qatysty úkim shyǵardy.
Sottalýshy jolaýshy masań kúiinde «FlyArystan» AQ-nyń Astana – Óskemen baǵytyndaǵy áýe kemesi bortynda buzaqylyq jasaǵan. Ol ushaqtyń bortserigine kúsh kórsetip, ony uryp-soǵyp jáne jolaýshynyń eskertýin elemesten, ony da uryp-soǵyp, eki jábirlenýshige de dene jaraqatyn keltirgen.
Sonymen qatar, ol bomba baryn habarlaǵan. Onyń jalǵan habarlamasy saldarynan 153 jolaýshy túsirilip, qaita tekserýden ótip, kóliktegi politsiia departamenti men «FlyArystan» AQ-ǵa materialdyq shyǵyn keltirilgen (QK-niń 273-baby). Sottalýshynyń kinási onyń moiyndaýymen, jábirlenýshilerdiń aiǵaqtarymen, sarapshylardyń qorytyndylarymen jáne qylmystyq istiń basqa da materialdarymen dáleldendi.
Prokýror 3 jylǵa bas bostandyǵynan aiyrýdy surady. Sottalýshy óz kinásin tolyq moiyndap, qorǵaýshy tarap pen sottalýshynyń ózi bas bostandyǵynan aiyrýmen bailanysty emes jaza taǵaiyndaýdy surady.
Sot kámeletke tolmaǵan balasynyń bolýyn jáne shyn júrekten ókinýin jaýaptylyq pen jazany jeńildetetin mán-jailar dep tanydy. Aýyrlatatyn mán-jai retinde ortasha dárejedegi alkogoldik masań kúide bolýy tanyldy.
Jasalǵan quqyq buzýshylyqtardyń mán-jailaryn, aýyrlatatyn mán-jaidyń bolýyn eskere otyryp, sot úkimimen sottalýshy T. QK-niń 273-baby jáne 293-baby 2-bóliginiń 4) tarmaǵy boiynsha kináli dep tanylyp, qylmystyq quqyq buzýshylyqtardyń jiyntyǵy boiynsha 3 jylǵa bas bostandyǵynan aiyryldy.
Úkim zańdy kúshine engen joq.
