Fitch Ratings حالىقارالىق رەيتينگ اگەنتتىگى قازاقستاننىڭ ەركىن كرەديتتىك رەيتينگىن «BBB» دەڭگەيدە ەكەنىن راستادى. بۇل بولجام «تۇراقتى» دەگەندى بىلدىرەدى.
قازاقستاننىڭ رەيتينگىن قولدايتىن ىرگەلى فاكتورلاردىڭ قاتارىندا ەلەۋلى سىرتقى بۋفەرلەر، شەتەل ۆاليۋتاسىنداعى رەزەرۆتەر،تۇراقتى فيسكالدىق پوزيسيا، مەملەكەتتىك بورىش دەڭگەيىنىڭ تومەندىگى، سونداي-اق سىرتقى تاۋەكەلدەرگە ۇشىراۋى ورتاشا ەكەنى اتاپ وتىلەدى.
Fitch Ratings ساراپشىلارى ۆاليۋتا رەزەرۆتەرى ودان ءارى نىعايادى دەپ وتىر. سونداي-اق، يمپورت قالىپتى ءوسىپ جانە مۇناي ءوندىرىسى مەن ەكسپورت كولەمى ۇلعايعان كەزدە قازىرگى شوت تاپشىلىعى قىسقارادى دەگەن بولجام بار.
اگەنتتىك پىكىرىنە سۇيەنسەك، بيۋدجەت شىعىستارىنىڭ ءوسۋىن شەكتەيتىن جاڭا فيسكالدىق ەرەجەلەر مەن ق ر ۇلتتىق قورىنان كەپىلدەندىرىلگەن ترانسفەرتتەر سالىق-بيۋدجەت ساياساتىن نىعايتۋعا ءتيىس.
سونىمەن بىرگە Fitch قايتالاما سانكسيالار سالۋدىڭ جانە ولاردىڭ ق ر ەكونوميكاسىنا ىقپالىنىڭ سالىستىرمالى تۇردە تومەن تاۋەكەلدەرىن اتاپ وتەدى.
