وڭىردەگى 5 ءىرى جوو س. امانجولوۆ اتىنداعى شقمۋ، د. سەرىكبايەۆ اتىنداعى شقمتۋ، قاەۋ، سەمەي مەملەكەتتىك مەديسينالىق ۋنيۆەرسيتەتى مەن شاكارىم اتىنداعى مەملەكەتتىك ۋنيۆەرسيتەت ستۋدەنتتەرىنىڭ ىشىنەن ىرىكتەلىپ الىنعان 100 ەرىكتى «ەحرو – 2017» كورمەسىندە شەتەلدىكتەرمەن جۇمىس جاساۋدا.
اعىلشىن ءتىلىن جەتىك مەڭگەرگەن ستۋدەنتتەردىڭ ايتۋىنشا، اعىلشىندىقتارمەن تىكەلەي جۇمىس جاساعان ولارعا وتە ءتيىمدى. ولارمەن ارالاسىپ قانا قويماي، داستۇرلەرىمەن تانىسىپ، باسقا دا شەتەلدىك تىلدەردى ۇيرەنۋدە قىزىعۋشىلىق تانىتۋدا.
ەرىكتىلەر توبى ەكى مەرزىممەن جۇمىس جاسايدى. ءبىرىنشى توپ تاڭنان تۇسكى ۋاقىتقا دەيىن جۇمىس ىستەسە، ەكىنشى توپ تۇسكى ۋاقىتتان كەشكى ۋاقىتقا دەيىن قىزمەت كورسەتەدى.
ىرىكتەۋ توبىنا ىلىككەن ستۋدەنتتەر بىرنەشە وقۋ-جاتتىعۋدان وتكەن. ولار ءۇشىن ەرىكتى جۇمىسىمەن تانىستىراتىن سەمينارلار مەن كۋرستار وتكىزىلسە، سەمەي مەملەكەتتىك مەديسينالىق ۋنيۆەرسيتەت ستۋدەنتتەرى العاشقى مەديسينالىق كومەك كورسەتۋ كۋرستارىنا قاتىسقان. 7 تامىزدا اتتانعان ستۋدەنتتەر استانادا كورمەنىڭ رەسمي جابىلۋىنا دەيىن بولماق.
