«EHRO – 2017» kórmesinde ShQO-dan 100 erikti jumys jasaýda
Óńirdegi 5 iri JOO S. Amanjolov atyndaǵy ShQMÝ, D. Serikbaev atyndaǵy ShQMTÝ, QAEÝ, Semei memlekettik meditsinalyq ýniversiteti men Shákárim atyndaǵy memlekettik ýniversitet stýdentteriniń ishinen iriktelip alynǵan 100 erikti «EHRO – 2017» kórmesinde sheteldiktermen jumys jasaýda.
Aǵylshyn tilin jetik meńgergen stýdentterdiń aitýynsha, aǵylshyndyqtarmen tikelei jumys jasaǵan olarǵa óte tiimdi. Olarmen aralasyp qana qoimai, dástúrlerimen tanysyp, basqa da sheteldik tilderdi úirenýde qyzyǵýshylyq tanytýda.
Eriktiler toby eki merzimmen jumys jasaidy. Birinshi top tańnan túski ýaqytqa deiin jumys istese, ekinshi top túski ýaqyttan keshki ýaqytqa deiin qyzmet kórsetedi.
Irikteý tobyna ilikken stýdentter birneshe oqý-jattyǵýdan ótken. Olar úshin erikti jumysymen tanystyratyn seminarlar men kýrstar ótkizilse, Semei memlekettik meditsinalyq ýniversitet stýdentteri alǵashqy meditsinalyq kómek kórsetý kýrstaryna qatysqan. 7 tamyzda attanǵan stýdentter Astanada kórmeniń resmi jabylýyna deiin bolmaq.
