ەۋروپالىق cوت شىعارعان قاۋلىسىنا سەيكەس ەۋرووداق ەلدەرٸ, ٸشكٸ زاڭناماسىندا قاراستىرىلماسا دا, بلوكتىڭ كەز كەلگەن نٷكتەسٸندە زاڭدى تٷردە جاسالعان بٸر جىنىستى نەكەنٸ مويىنداۋى كەرەك, دەپ حابارلايدى Dalanews.kz.
سوتتىڭ مەلٸمدەۋٸنشە, زاڭدى نەكەنٸ مويىنداۋدان باس تارتۋ «ەو زاڭناماسىنا قايشى كەلەدٸ, سەبەبٸ ول بوستاندىقتى, جەكە جەنە وتباسىلىق ٶمٸردٸ قۇرمەتتەۋ قۇقىعىن بۇزادى» ەرٸ «ەرلٸ-زايىپتىلاردى نەكەدە تۇرماعان ادامدار رەتٸندە ٶمٸر سٷرۋگە مەجبٷرلەۋ ارقىلى ەكٸمشٸلٸك, كەسٸبي جەنە جەكە دەڭگەيلەردە ەلەۋلٸ قولايسىزدىقتار تۋدىرۋى مٷمكٸن».
بۇل ٸس 2018 جىلى بەرليندە نەكەگە تۇرىپ, سودان كەيٸن پولشاعا ورالعان ەكٸ پولياك ازاماتىنا قاتىستى بولعان. ولار پولشا تٸركەۋ بٶلٸمٸنە تانۋ ٷشٸن نەكە تۋرالى كۋەلٸكتەرٸن نەمٸس تٸلٸندە قايتا جازۋدى سۇرادى.
ٶتٸنٸش قابىلدانعان جوق, سەبەبٸ پولشادا بٸر جىنىستى نەكەگە رۇقسات ەتٸلمەيدٸ.
جۇپ بۇل شەشٸم بويىنشا پولشانىڭ جوعارعى ەكٸمشٸلٸك سوتىندا شاعىمداندى, سوت ٸستٸ ليۋكسەمبۋرگتەگٸ ەۋروپالىق ەدٸلەت سوتىنا جولدادى. سەيسەنبٸ كٷنٸ سۋديالار نەكەنٸ ەو-عا مٷشە 27 مەملەكەت اۋماعىندا جارامدى دەپ شەشتٸ.
«ەو ازاماتتارى بولىپ تابىلاتىن جۇبايلار مٷشە مەملەكەتتەردٸڭ اۋماعىندا ەركٸن جٷرٸپ-تۇرۋ جەنە وسى بوستاندىقتى پايدالانا وتىرىپ تۋعان ەلٸنە ورالعاننان كەيٸن قالىپتى وتباسىلىق ٶمٸر سٷرۋ قۇقىعىنا يە. ولار قابىلداۋشى مٷشە مەملەكەتتە, ەسٸرەسە, نەكە ارقىلى وتباسىلىق ٶمٸردٸ ورناتقان كەزدە ٶزدەرٸنٸڭ تۋعان مەملەكەتٸنە ورالعاننان كەيٸن وسى وتباسىلىق ٶمٸردٸ جالعاستىرا الاتىنىنا سەنٸمدٸ بولۋى كەرەك», - دەلٸنگەن قۇجاتتا.
بٷگٸندە ەو-عا مٷشە 27 مەملەكەتتٸڭ جارتىسىنان كٶبٸ بٸر جىنىستى نەكەنٸ مويىندايدى.
