اگەنتتىكتىڭ حابارلاۋىنشا، قازىرگى تاڭدا رەسەيدىڭ سانكسيا سالىنعان تۇلعالارىنىڭ ءتىزىمىن ەۋرووداق ەلدەرىنىڭ ۇكىمەتتەرى بەكىتۋ ۇستىندە. سانكسيالاردىڭ التىنشى پاكەتىندە رەسەي مۇنايىنان جىل اياعىنا دەيىن باس تارتۋ كوزدەلگەن.
ءپۋتيننىڭ ناقسۇيەرى الينا كابايەۆا «ۇلتتىق مەديا گرۋپپ» حولدينگتىك كومپانيانىڭ يەسى بولىپ تابىلادى. اتالمىش حولدينگتە كرەملدىڭ پروپاگانداسىمەن اينالىسىپ، سانكسياعا ۇشىراعان مەملەكەتتىڭ ارنالاردىڭ ۇلەسى بار ەكەن.
مۇنداي جاعدايدا «ۇلتتىق مەديا گرۋپپ» كومپانياسىنىڭ قوجايىنى دا باتىستىڭ سانكسياسىنان قۇتىلا المايتىنى انىق.
ءپۋتيننىڭ دوسى، ميللاردەر يۋريي كوۆالچۋك «ۇلتتىق مەديا گرۋپپ» كومپانيانىڭ باسشىسى قىزمەتىنە الينا كابايەۆا 2014 جىلى تاعايىنداعان بولاتىن. بۇعان دەيىن ول رەسەيدەگى «ەدينايا روسسيا» بيلىك پارتياسىنىڭ اتىنان جەتى جىل بويى مەملەكەتتىك دۋمادا دەپۋتات بولعان.
