ەۋرازيالىق وداق: كەدەندىك كودەكس قاشان كۇشىنە ەنەدى؟

Dalanews 12 جەلت. 2015 07:39 492

 «ەۋرازيا الەمى» پىكىرسايىس كلۋبىندا باس قوسقان ساراپشىلار قاۋىمى بۇل جول «ەۋرازيالىق ەكونوميكالىق وداقتىڭ كەدەندىك كودەكسى: ۇلتتىق مۇددە مەن مەملەكەتارالىق ارىپتەستىكتىڭ اراقاتىناسى» اتتى تاقىرىپتى تالقىعا سالدى.

 

ساياساتتانۋشى، «ەۋرازيا الەمى» قق جەتەكشىسى ەدۋارد پولەتايەۆ ءوز سوزىندە: «كودەكس الداعى جىلدىڭ باسىنان باستاپ كۇشىنە ەنۋىس ءتيىس. ءبىراق، كوپتەگەن ماسەلەلەر بويىندا وداققا مۇشە ەلدەر ءالى دە بولسا ورتاق كەلىسىمگە كەلگەن جوق. ەندەشە كودەكس كەلەر جىلى دا قابىلدانباي قالۋى مۇمكىن» پىكىر ءبىلدىردى.

ال Zonakz.net ينتەرنەت-گازەتىنىڭ ساياسي شولۋشىسى ۆلاديسلاۆ يۋريسىنىڭ ايتۋىنشا ەۋرازيالىق وداقتىڭ كەڭىستىگىندە ساتىپ الۋشىلاردىڭ، ياعني، تۇتىنۋشىلاردىڭ مۇددەسىن قورعايتىن قانداي دا ءبىر لوببيلىك توپتار جوق. ياعني، بۇل كودەكستىڭ ەنگىزىلۋى الدىمەن قاراپايىم تۇرعىندار نە بەرەتىنىن ەسكەرۋ كەرەك.

ءوز كەزەگىندە Caspian Bridge اقپاراتتىق-ساراپتامالىق ورتالىعىنىڭ باس رەداكتورى زامير كاراجانوۆ: «كەدەندىك كودەكستى ازىرلەۋ بارىسىندا بارلىق مەملەكەتتەردىڭ مۇددەلەرى ەسكەرىلگەنى انىق. سەبەبى، پىكىرسايىستاردا بيزنەس جانە مەملەكەتتىك قۇرىلىمداردىڭ وكىلدەرى قاتىسقان بولاتىن. ءبىراق تا، قالاي بولعان كۇننىڭ وزىندە رەسەيدىڭ لوببيلىك مۇمكىندىگى وداققا مۇشە باسقا ەلدەرگە قاراعاندا الدەقايدا كۇشتى. ءبىرىنشى كەزەكتە، بۇل كەدەندىك كودەكس رەسەيگە قاجەت. وسى ارقىلى ماسكەۋ ءوزىن ەكونوميكالىق تۇرعى. ال ءبىز شە؟ بىزدە قانداي قاۋقار بار؟» دەدى.  

ساياساتتانۋشى انتون موروزوۆتىڭ پىكىرىنشە كودەكس كۇشىنە ەنگەن جاعدايدا وتاندىق وندىرۋشىلەردى تاعدىرى قالاي بولارىن ەسكەرۋ كەرەك.

– ءيا، زاڭ جۇزىندە ءبارى جاقسى جانە ءمىنسىز. كودەكس ورتاق، شەكارالار اشىق، مۇمكىندىك تە مول ءارى وداققا بىرىككەن مەملەكەتتەردىڭ قۇقىعى دا تەڭ. مەنىڭ ايتايىن دەگەنىم ەگەر دە اتالعان كەدەندىك كودەكس وتاندىق وندىرۋشىلەردىڭ ماسەلەلەرىن شەشىپ جاتسا، ەندەشە بۇل دۇرىس قۇجات بولعانى، – دەيدى موروزوۆ.
ەۋرازيالىق فرانچايزينگ قاۋىمداستىعىنىڭ پرەزيدەنتى بەكنۇر قيسىقوۆ ءوز كەزەگىندە جينالعاندارعا قاراتا:  «بىزگە كەدەندىك كودەكستەن نە كۇتۋگە بولادى؟ ءيا، كوپتەگەن بارەرلەر، ياعني كەدەرگىلەر جويىلادى ەكەن. ءبىراق، وسىنشالىقتى قىسقا مەرزىمدى مۇنىڭ ءبارىن جويىپ بولماسا قىسقارتىپ جىبەرۋ مۇمكىن ەمەس. ەگەر كودەكستى ءقازىر قابىلدايتىن بولساق، ەرتەڭ ەكى ءجۇرىس جاسايمىز. ياعني، كۇشىنە ەنىپ، جۇمىسىنا كىرىسكەن كودەكسكە وزگەرىستەر مەن تولىقتىرۋلار ەنگىزىپ اۋرەگە تۇسەمىز. مەنى، فرانچايزينگ قاۋىمداستىعىنىڭ وكىلى رەتىندە كودەكس كۇشىنە ەنگەننەن كەيىن جەكە، ينتەللەكتۋالدىق مۇلىك، اۆتورلىق قۇقىق قالاي قورعالادى دەگەن ماسەلە مازالايدى» دەدى.  

ال وتىرىستى تۇيىندەگەن ساياساتتانۋشى اندرەي چەبوتاريەۆ: «كەدەندىك كودەكس قابىلدانىپ، ناقتى ىسكە كىرىسكەننەن كەيىن عانا ءبىز ەۋرازيالىق وداقتىڭ قانداي ۇيىم ەكەنىن (ساياسي الدە ەكونوميكالىق) ايتىپ بەرە الاتىن بولامىز» دەدى.

ۇسىنىلعان
سوڭعى جاڭالىقتار