ەستونيانىڭ قازاقستانداعى ەلشىسى يااپ ورا ەستونيا پرەزيدەنتى الار كاريستىڭ قازاقستانعا جاساعان ساپارىنان كەيىن وتستاۆكاعا كەتتى، دەپ حابارلايدى Dalanews.kz.
كاريستىڭ قازاقستانعا ساپارى 17–18 قاراشا كۇندەرى ءوتتى. پرەزيدەنتپەن بىرگە جۇبايى سيرە كاريس پەن دەلەگاسياسى كەلگەن. ساپار بارىسىندا ول بيزنەس-فورۋمعا قاتىسىپ، ناتيجەسىندە تاراپتار 11 كوممەرسيالىق قۇجاتقا قول قويدى.
الايدا بىرنەشە اپتادان كەيىن ەستونيا مەدياسىندا داۋ تۋىندادى: كاريس قازاقستاندا سويلەگەن سوزدەرىندە بىردە-بىر رۋسوفوبيالىق پىكىر ايتپاعانى جانە ۋكرايناداعى قاقتىعىستى ءبىر رەت تە ەسكە الماعانى بەلگىلى بولدى.
جۋرناليستەردىڭ ايتۋىنشا، «ساپار بارىسىندا ەستونيانىڭ قازاقستانداعى ەلشىسى يااپ ورا پرەزيدەنتكە جانە ونىڭ سىرتقى ساياسات جونىندەگى كەڭەسشىسى مارگۋس كولگاعا ۋكرايناعا قاتىستى تۇجىرىمداردى جۇمساعىراق جەتكىزۋدى ۇسىنعان».
كاريس ەلشىنىڭ كەڭەسىن ەسكەرىپ، ءوز ءسوزىن قايتا قاراپ شىققان، ۋكراين قاقتىعىسىنا قاتىستى جولداردى الىپ تاستاپ، قازىرگى گەوساياسي جاعدايدى بارىنشا بەيتاراپ سيپاتتاعان.
مەديادا قىزۋ تالقىلاۋ باستالعاننان كەيىن ەستونيانىڭ ەلشىسى وتستاۆكاعا كەتۋ تۋرالى شەشىم قابىلدادى.
ەستونيا ءسىم حابارلاۋىنشا، «شيەلەنىستى باسەڭدەتۋ ءۇشىن ەستونيانىڭ قازاقستانداعى ەلشىسى يااپ ورا كەلەسى جىلدان باستاپ قىزمەتتەن ءوز ەركىمەن كەتۋدى ۇيعارعان».
