مەجٸلٸس دەپۋتاتى ەرمۇرات باپي ەسكٸ جٷيەمەن كٷرەس ەلٸ جالعاسىپ جاتقانىن ايتتى, - دەپ حابارلايدى Dalanews.kz.
دەپۋتات ٶزگەرٸستەر نەتيجەسٸندە قازاقستان پارلامەنتٸنٸڭ مەجٸلٸسٸندە ماجوريتارلىق مانداتپەن كەلگەن دەپۋتاتتاردىڭ بٸر شوعىرى پايدا بولعانىن دا ايتتى.
"قوعام مەن مەملەكەتتٸك بيلٸك اراسىنا دەنەكەر كٶپٸر سالۋعا ەرەكەت قىلىپ جٷرگەن بۇل دەپۋتاتتاردىڭ دەرمەندٸ داۋىسى بارعان سايىن باتىل شىعا باستاعانىن قۇلاعىندا «ساياسي مٷكٸسٸ» جوق قاۋىم ەستٸپ وتىرعانى ايدان انىق. "كٸبٸرتٸك» دەمەكشٸ, قازاقستاننىڭ جاڭا تاريحىندا «رەفورمالار كەزەڭٸ» دەگەن تاڭبامەن قالاتىن دەۋٸردٸڭ بارىسىندا تٷرلٸ سەبەپتەرگە بايلانىستى كٸدٸرٸستەر بارىن دا جوققا شىعارۋعا بولمايدى. ەلدەگٸ 30 جىلدىق سٸرەسكەن اۆتوريتارلىق سٷرٸ مۇرانىڭ «مۇرنىن بۇزىپ», قىر ارقاسىن قيراتۋ جاڭا بيلٸككە دە وڭايعا تٷسٸپ جاتپاعانىن ٸرگەدەن سەزٸنٸپ جٷرمٸز", - دەدٸ دەپۋتات.
ونىڭ سٶزٸنشە, ەسكٸ قازاقستاننىڭ ەلەگٸ ەلٸ بٸتپەگەن.
"ەسكٸلەردٸڭ ەرەگەسكەن قارسىلىعى قاڭتاردان كەيٸن دە دامىل تاپتى دەي المايمىز. قازىنالىق-بيۋدجەتتٸك استاۋدان قاعىلعان, حالىقتىق مۇراعا مۇرتىن باتىرۋ داعدىسىنا قايتىپ ورالۋدى اڭساعان ولاردىڭ استىرتىن ايقاسى ەلٸ دە جالعاسىپ جاتىر. بٷگٸندە ولار پروتەستٸك پيعىلداعى قاۋىمداستىقتى ٶز قاتارىنا قاراتۋدىڭ جانتالاسقان قامىن جاساۋدا. ەلەۋمەتتٸك جەلٸلەردە جالاۋلاتىپ جٷرگەن جەكەلەگەن قوعامدىق پٸكٸر سەركەلەرٸنٸڭ «جاڭا قازاقستانعا» قاراي اتقان تاسى «ەسكٸلەردٸڭ» ەسەسٸن كٷيتتەيتٸنە كۋە بولىپ جٷرمٸز.
جەكە دارا بيلٸككە تابىنۋ دەرتٸ ٶن بايىنا سٸڭٸپ كەتكەن مەملەكەتتٸك-بيۋروكراتييالىق اپپاراتتى دا سوزىلمالى اۆتوكراتييالىق دەرتتەن ايىقتىرۋ وڭاي بولماي تۇرعانىنا وسى ورتاعا كەلگەن مەنٸڭ كٶزٸم ەبدەن جەتتٸ. بۇل دەرتتٸڭ دەرمەنٸ اپپاراتتىق ۆەرتيكالدى دەندەپ العانىن دەپۋتاتتىق ساۋالدارى مەن قوعامدىق مٷددە تۇرعىسىنداعى ازاماتتىق تالاپتارىنا تيٸستٸ جاۋاپ الا الماي جٷرگەن ەرٸپتەستەرٸمنٸڭ دە كٶزٸ جەتتٸ دەپ بٸلەمٸن
«پروتەستٸك قاۋىم» دەگەندە ەڭ الدىمەن كەز-كەلگەن ٶزگەرٸس ٶزدٸگٸنەن كەلمەيتٸنٸن, رەفورمانىڭ وڭايلىقپەن جاسالمايتىنىن, ٶكٸلەتتٸ بيلٸكتٸڭ بٸر پۇشپاعىندا جٷرگەن مەنٸڭ پٸكٸرٸم ارقىلى, قوعام دا تٷيسٸنۋگە تىرىسسا دەپ ويلايمىن. بٸرٸنشٸ كەزەكتە رەفورمانىڭ جەدەل جٷرۋٸنە مەملەكەتتٸك ورگانداردىڭ اپپاراتتارى عانا ەمەس, ەسكٸ رەجيمنٸڭ قىسپاعىندا قالىپ, دەموكراتييالىق دامۋ فورماتسيياسى كەندەلەپ قالعان قوعامنىڭ ٶزٸ دە دايىن بولماعانى جاسىرىن ەمەس", - دەدٸ ول.
دەپۋتات بيلٸك پەن قوعام ورتاق تٸل تابىسپايىنشا, «جاڭا قازاقستان» يدەياسىن تولىققاندى جٷزەگە اسىرۋ مٷمكٸن ەمەس ەكەنٸن مەلٸمدەدٸ.
"ەلدەگٸ ٶزگەرٸستەردٸ قوعامنىڭ تٸكەلەي قاتىسىنسىز بيلٸك جەكە دارا جاساي المايدى. ٶزگەرٸستەر ۇلتتىق, ەلدٸك, مەملەكەتتٸك يدەياعا اينالۋى ٷشٸن جارقىن ٶمٸرگە باستايتىن ورتاق مٷددە جولىندا قوس تاراپتىڭ مەمٸلەلٸ تٷيٸسۋ نٷكتەلەرٸنٸڭ بولعانى اۋاداي قاجەت!" - دەدٸ ول.
