قوسشى قالاسى اكىمىنىڭ ورىنباسارى پروكۋروردىڭ ەسكەرتۋىن ورىنداماعانى ءۇشىن اكىمشىلىك جاۋاپقا تارتىلدى، دەپ حابارلايدى  Dalanews.kz.

بۇعان دەيىن قالالىق اقمولا وبلىسىنىڭ پروكۋراتۋراسى بيۋدجەتتىك زاڭنامانىڭ بۇزىلعانى تۋرالى ەسكەرتۋ جاساپ، بارلىق كەمشىلىكتى جويۋدى تالاپ ەتكەن. الايدا اكىمدىك رەسمي حاتقا جاۋاپ بەرمەگەن. پروكۋرورلار ايتقان ماسەلە قاي جەردە جانە قاشان قارالاتىنىن دا حابارلاماعان. وسىدان كەيىن اكىمشىلىك كودەكستىڭ ەكى بابى بويىنشا ءىس قوزعالدى. ال بيۋدجەتكە جاۋاپتى قالا اكىمىنىڭ ورىنباسارىنا 370 000 تەڭگەدەن استام سوماعا ايىپپۇل سالىندى.

"پروكۋراتۋرا تۋرالى" كونستيتۋسيالىق زاڭنىڭ تالاپتارىنا سايكەس، مەملەكەتتىك ورگاندار، ۇيىمدار مەن لاۋازىمدى ادامدار پروكۋرورلىق قاداعالاۋ اكتىلەرىن قاراۋعا جانە ورىنداۋعا مىندەتتى.

اكىمشىلىك كودەكستە وسى زاڭ بۇزۋشىلىققا قاتىستى ەكى باپ بار.

ولار:

لاۋازىمدى تۇلعانىڭ پروكۋروردىڭ ۇسىنۋىن قاراۋسىز قالدىرۋى نە وندا كورسەتىلگەن زاڭ بۇزۋشىلىقتاردى جويۋ بويىنشا شارالار قابىلداماۋى، سونىمەن قاتار ۋاقتىلى جاۋاپ بەرمەۋى - 8 اەك (29 536 تەڭگە) مولشەرىندە ايىپپۇل؛

پروكۋروردىڭ قاراۋ ناتيجەلەرى مەن قابىلدانعان شارالار تۋرالى حابارلاماۋى نەمەسە ۋاقتىلى حابارلاماۋى - 200 اەك-كە (738 400 تەڭگەگە) دەيىنگى ايىپپۇل.

"ەگەر پروكۋرورلىق قاداعالاۋ اكتىلەرىن ورىنداماۋ ازاماتتاردىڭ نەمەسە ۇيىمداردىڭ قۇقىقتارى مەن زاڭدى مۇددەلەرىنە نە قوعامنىڭ نەمەسە مەملەكەتتىڭ زاڭمەن قورعالاتىن مۇددەلەرىنە ەلەۋلى زيان كەلتىرۋگە اكەلىپ سوقسا، وندا بۇل قىلمىستىق كودەكستىڭ 381-بابى بويىنشا قۋدالانادى"، - دەيدى پروكۋرورلار.

وبلىستا وسىعان ۇقساس بۇزۋشىلىق بويىنشا جەرگىلىكتى اتقارۋشى ورگانداردىڭ تاعى 2 لاۋازىمدى تۇلعاسى جاۋاپقا تارتىلدى.