نۇر-سۇلتان قالاسى اكىمى التاي كولگىنوۆ تاڭعى ارالاۋ كەزىندە ەسىل وزەنىنىڭ ارناسىن قايتا جاڭارتۋ بارىسىمەن تانىستى.

ءقازىر وزەن ءتۇبىن تەرەڭدەتۋ جانە ۇزىندىعى 2 شاقىرىمنان استام ارنانى كەڭەيتۋ جۇمىستارى جۇرگىزىلۋدە.

نەگىزگى ماقساتى-قالا اۋماعىن تاسقىن سۋ باسۋدان قورعاۋ. بۇدان باسقا، جاعالاۋ اۋماعى اباتتاندىرىلادى: جارىقتاندىرۋ تىرەكتەرى، ورىندىقتار، ۋرنالار ورناتىلادى جانە برۋسچاتكا سالىنادى. بوگەت قۇرىلىسىنىڭ اياقتالۋ مەرزىمى-2020 جىل، ارنانى قايتا جاڭارتۋ اعىمداعى جىلدىڭ سوڭىنا دەيىن اياقتالادى.