2026 جىلدىڭ باسىندا كەسٸپكەرلەردٸڭ تٷرلٸ قاۋىمداستىقتارى بٸرٸگٸپ, «اتامەكەن» پالاتاسىنا جارنا جيناۋعا قارسى پەتيتسييا جارييالاۋعا دايىندالا باستادى. بۇل تۋرالى DALA INSIDE دەرەككٶزٸ ايتىپ وتىر. ولاردىڭ ويىنشا, قازٸرگٸ تاڭدا بۇل پالاتادان بيزنەسكە ەشقانداي پايدا جوق. كەرٸسٸنشە «اتامەكەن» ۇلتتىق پالاتاسى كەسٸپكەرلەردٸڭ دامۋىنا كەدەرگٸ كەلتٸرەتٸن قوسىمشا بارەرگە اينالىپ بارادى.
«شاعىن كەسٸپكەرلەردٸ بىلاي قويعاندا, اتامەكەن ورتا بيزنەستٸڭ دە, ٸرٸ بيزنەستٸڭ دە كورپوراتيۆتٸ جەنە قوسىمشا قۇن سالىعى بويىنشا قۇقىقتارىن قورعاي المادى. ۇساق-تٷيەك كوررەكتيروۆكالار بولماسا, ٷكٸمەتكە مٷلدە سٶزٸن ٶتكٸزە العان جوق. كەي كەزدە بيزنەستٸ ەدەيٸ جىعىپ بەرٸپ وتىرعانداي ەسەر قالدىردى. كەسٸپكەرلەر «وندا پالاتانىڭ شىعىنىن بٸز ەمەس, ٷكٸمەت تٶلەسٸن دەگەن پٸكٸردە». جالپى كەلەسٸ جىلى «اتامەكەن» پالاتاسىنا ٶزٸنٸڭ قاجەت قۇرىلىم ەكەنٸن دەلەلدەۋ قيىن سوقپاق. كەسٸپكەرلەر پالاتادان سىرت اينالا باستادى. جاڭا سالىق كودەكسٸن ٶتكٸزٸپ العان ٷكٸمەتكە دە ەندٸ مۇنداي ۇيىمنىڭ قاجەتٸ شامالى», - دەيدٸ, DALA INSIDE دەرەككٶزٸ.
ەگەر كەلەسٸ جىلى اتامەكەن مەن كەسٸپكەرلەر اراسىنداعى تەكەتٸرەس قىزا تٷسسە, 2027 جىلدارى وسى پالاتانى تاراتۋ مەن جابۋ تۋرالى مەسەلە ٷلكەن تريبۋنالاردان كٶتەرٸلۋٸ مٷمكٸن. پالاتانىڭ قازٸرگٸ تٶراعاسى رايىمبەك باتالوۆ ٶتە سىلبىر جۇمىس ٸستەيتٸندەي ەسەر قالدىرادى. باسىندا شەنەۋٸك ەمەس, بيزنەس ٶكٸلٸ بولعاندىقتان باتالوۆقا كەسٸپكەرلەر تاراپىنان زور ٷمٸت ارتىلعان ەدٸ. ول ٷمٸت اقتالماعان سيياقتى. تٸپتٸ سالىستىرمالى تٷردە, بۇرىنعى تٶراعا مىرزاحمەتوۆكە قاراعاندا باتالوۆتىڭ داۋىسى مٷلدە ەستٸلمەيدٸ.
«باتالوۆ بولسىن, باسقاسى بولسىن, دەل پەرسونالييگە تاقالىپ تۇرعان ەشتەڭە جوق. باسقا تٶراعا بولسا دا, اتامەكەن كەرەمەت تيٸمدٸ بولا المايدى. مەسەلە ۇيىمنىڭ ارحيتەكتۋراسىندا. اتامەكەن قۇرىلعان كەزٸندە سول ۋاقىتتا تۋعان پروبلەمالاردى تەز شەشۋگە ارنالىپ جاسالعان بولاتىن. ول پروبلەمالار شەشٸلدٸ, ۋاقىت ارتتا قالدى, مٷلدە باسقا زامان ورنادى. قازٸر مۇنداي پالاتا شىنىمەن دە كەرەك ەمەس. نەمەسە ونى كاپيتالدى تٷردە مٷلدە قايتا قۇرۋ كەرەك», - دەيدٸ, دەرەككٶز.
«اتامەكەن» ۇلتتىق كەسٸپكەرلەر پالاتاسىنىڭ بيىلعى بيۋدجەتٸ 12 ميلليارد تەڭگەدەن اسادى. ونىڭ 10,7 ميلليارد تەڭگەسٸن كەسٸپكەرلەر جارنا تٷرٸندە جيناپ بەرەدٸ. نەگٸزگٸ جارنانى پالاتا ٸرٸ بيزنەستەن الادى. ٷكٸمەت بەكٸتكەن شەكتٸ مٶلشەردەن اسپاسا, وسى جارنانى شىعىندارعا جاتقىزىپ, ودان سالىقتى شەگەرۋگە مٷمكٸندٸك بار.
وسى 12 ميلليارد تەڭگەنٸڭ باسىم بٶلٸگٸن پالاتا جالاقى تٶلەۋ, ارەندا تٶلەۋ, تاۋار مەن جۇمىس قىزمەتتەرٸنە جۇمسايدى. سىرتىنان قاراعاندا, اتا-اناسى الىپ بەرگەن بالمۇزداقتى جەپ وتىرعان كٸشكەنتاي بالا سيياقتى. كٸشكەنتاي بالانىڭ اتا-اناسىنا ەش كٶمەكتەسە المايتىنى تٷسٸنٸكتٸ. كەسٸپكەرلەر دە سول ٷشٸن «مۇنداي پالاتا بٸزگە كەرەك پە?» دەگەن سۇراق قويىپ وتىر.
