وقيعا وتكەن جەكسەنبى كۇنى بولعان. Mitsubishi ماركالى جول تالعامايتىن كولىك مىنگەن 35 جاستاعى جۇرگىزۋشى بالانى باسىپ كەتتى. Noks.kz باسىلىمىنا سۇحبات بەرگەن نيكيتانىڭ اكەسى وقيعانىڭ ءمان-جايىن ايتىپ بەردى.
– سول كۇنى ساعات 12 كەزىندە ۇلىما قوقىس توگىپ كەلۋگە جۇمسادىم. ال قوقىستى لاقتىرۋ ءۇشىن جولدىڭ ارعى جاعىنا ءوتۋدىڭ قاجەتى دە جوق. سەبەبى كونتەينەر ءدال ءۇيدىڭ جانىندا ورنالاسقان. بالام ءدال سول كونتەينەرلەر الاڭىندا تۇرعاندا ونى دجيپ سوققان، – دەيدى ول.
سوققىنىڭ قاتتى بولعانى سونشا، تەمىر جانە بەتون توسقاۋىل قيراپ قالعان. ال كونتەينەر بىرنەشە مەترگە ۇشىپ كەتكەن. كۋاگەرلەر بالانى كۇل-قوقىستىڭ اراسىنان شىعارىپ الىپتى. بالانىڭ تەلەفونىن قولدى قىلعان ادامدار دا بولعان. ارتىنان سمارتوفونمەن بايلانىس ءۇزىلدى. بىرەۋلەر ونى ءسوندىرىپ تاستاپتى. «ون مينۋتتان كەيىن نيكيتا كەلمەگەن سوڭ مەن ونىڭ ءموبيلدى تەلەفونىنا قوڭىراۋ شالدىم. قوڭىراۋ بارىپ تۇرعان. ءبىراق ەشكىم المادى. ۇلىم بالالارمەن ويناپ كەتتى دەپ ويلادىم دا، قويا سالدىم. ارتىنان ۇيگە پوليسەيلەر كەلدى. ولار ۇلىمنىڭ قالتاسىنداعى كىلتكە قاراپ، ءۇيدىڭ ءنومىرىن انىقتاپتى» دەيدى نيكيتانىڭ اكەسى.
قالالىق اۋرۋحانادا وعان «باس سۇيەك-مي زاقىم» دەگەن دياگنوز قويدى. سول كۇنى ريددەرگە وبلىس ورتالىعىنان نەيروحيرۋرگتار كەلگەن. ولار بالانىڭ ومىرىنە ءقاۋىپ ءتونىپ تۇرعانىن ايتتى. سەبەبى ميى ءىسىپ كەتىپتى.
وسكەمەن قالاسىنداعى ارنايى بولىمگە دە ازىرشە تاسىمالداۋعا بولمايدى. ءقازىر وقۋشى بالا ەس-تۇسسىز جاتىر. ول جاساندى جەلدەتۋ اپپاراتىنا قوسىلعان. ال تاماقتى زوند ارقىلى بەرىپ وتىرادى. كولىك جۇرگىزۋشىسىنە قاتىستى قىلمىستىق كودەكستىڭ 345-بابى، 2-تارماعى (كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى، ابايسىزدا ادامنىڭ دەنساۋلىعىنا اۋىر زيان كەلتiرۋگە اكەپ سوققان ىس-ارەكەت) بويىنشا سوتقا دەيىنگى تەرگەۋ باستالدى.
