ونىڭ پىكىرىنشە، ءبىزدىڭ ەلگە قارسى اقپاراتتىق ءھام يدەولوگيالىق سوعىس جاريالانعان. ەرتىسبايەۆ مۇنىڭ سوڭى توڭكەرىسكە، ايعاي-شۋ مەن دۇربەلەڭگە ۇلاسىپ كەتەدى دەپ الاڭدايدى.
- قازاقستاندا قوي ۇستىنە بوزتورعاي جۇمىرتقالاپ، بارشا ماسەلە شەشىلىپ قويعان دەپ ەشكىم ايتا المايدى. جالپى قوعامنىڭ وزگەرۋىنىڭ ەكى ءتۇرلى جولى بار. مۇنى "تومەننەن باستالاتىن توڭكەرىس" جانە "جوعارى جاقتان جاسالاتىن توڭكەرىس" دەپ اتايدى.
"تومەننەن جاسالاتىن توڭكەرىس" ادەتتە مەملەكەتتى قۇلاتىپ تىنادى، الاساپىرانعا، ازاماتتىق قاقتىعىستارعا اكەپ سوعادى، ەلىمىزدى بۇتىندىگىنەن ايىرادى. مۇنىڭ تۇككە كەرەگى جوق. ءدال ءازىر بىزگە "جوعارىدان جاسالاتىن ريەۆوليۋسيا" قاجەت.
ءابليازوۆ؟ دۆك-نىڭ ەكسترەميزمى كەرەك ەمەس، - دەيدى ەرتىسبايەۆ مىرزا.
تۇنەۋكۇنى ابليازوۆپەن ايتىسقان ەرتىسبايەۆ قازاقستانداعى ەكونوميكالىق وزگەرىستەردى، الەۋمەتتىك مەملەكەت قۇرۋدى، ساياسي رەفورمانى توقايەۆتىڭ پرەزيدەنتتىگى ارقىلى جۇرگىزۋدەن وزگە بالاما جوق دەگەن توقتامعا كەلىپتى.
- كوپۇلتتى قازاقستان حالقىنىڭ باسىم كوپشىلىگى نازاربايەۆتىڭ ساياساتى مەن بۇگىنگى پرەزيدەنت توقايەۆتى قولدايدى.
دەموكراتيا دەگەنىمىز دە سول. كوپشىلىكتىڭ بيلىگى دەگەنىمىز سول. 21 قىركۇيەكتە ەرەۋىلگە شىققالى وتىرعان جۇزدەگەن، مىڭداعان "ءابليازوۆشىلار" بۇل ارەكەتىنىڭ زاڭسىز ەكەنىن ءبىلۋى قاجەت، ول ەسسىزدەر قازاقتىڭ باستى قۇندىلىعى – ەگەمەندىكتى قۇرتۋ جولىنا ءتۇستى.
"الاڭعا شىعامىز دا بۇل بيلىكتىڭ بۇتىن بۇت، قولىن قول قىلامىز" دەپ دەلەبەسى قوزاتىن ينتەرنەتتەگى "كنوپكا باسقىش باتىرلار" دۇربەلەڭ بولعان جاعدايدا وزدەرىنىڭ ەل مەن ۇكىمەتكە قارسى شىققانى ءۇشىن ەڭ اۋىر جازاعا تارتىلاتىنىن ءبىلۋى ءتيىس.
نازاربايەۆ ەل باسقارعان 30 جىلدا ءبىز الەم مويىنداعان ابىرويلى ەلگە اينالدىق. تمد-نى تىمىسكىلەپ شىقساڭىز، بىزدە عانا توڭكەرىس، ازاماتتىق سوعىس اتىمەن بولعان جوق، جەرىمىزدەن جوعالتپادىق.
وسى كۇنگە دەيىن ەلىمىزدىڭ دۇشپانى جوق ەدى. الايدا ەندى ىشىمىزدەن دە، سىرتىمىزدان دا تالاپ جەگىسى بار جار استىندا جاسىرىن جاتقان جاۋ شىقتى.
قىتايعا قارسى تۇنەۋكۇنگى ەرەۋىلدەر الدەبىرەۋلەردىڭ ايتاعىمەن سىرتتان ۇيىمداستىرىلدى، مۇندايلار ەل ىشىندەگى قاپالى، نازالى كوڭىل-كۇيدە جۇرگەن ءبىلىمى، ساۋاتى تومەن جاستاردى پايدالانۋدا.
اشىعىن ايتايىن، بىزگە قارسى اقپاراتتىق ءارى يدەولوگيالىق سوعىس باستالىپ كەتتى. مۇنىڭ سوڭى توڭكەرىسكە، دۇربەلەڭ مەن داۋعا ۇلاسىپ كەتۋى - اسا ءقاۋىپتى. بيلىك، ەل، قوعام وسىنداي جاڭا قاۋىپ-قاتەرلەرگە قازىردەن قارسى شىعىپ، سىرتقى كۇشتەردىڭ ارباۋىنا تۇسۋگە جول بەرمەۋ كەرەك، - دەپ جازعان ەكەن ەرمۇحامەت ەرتىسبايەۆ.
ال فرەدو
