Onyń pikirinshe, bizdiń elge qarsy aqparattyq hám ideologiialyq soǵys jariialanǵan. Ertisbaev munyń sońy tóńkeriske, aiǵai-shý men dúrbeleńge ulasyp ketedi dep alańdaidy.
- Qazaqstanda qoi ústine boztorǵai jumyrtqalap, barsha másele sheshilip qoiǵan dep eshkim aita almaidy. Jalpy qoǵamnyń ózgerýiniń eki túrli joly bar. Muny "tómennen bastalatyn tóńkeris" jáne "joǵary jaqtan jasalatyn tóńkeris" dep ataidy.
"Tómennen jasalatyn tóńkeris" ádette memleketti qulatyp tynady, alasapyranǵa, azamattyq qaqtyǵystarǵa ákep soǵady, elimizdi bútindiginen aiyrady. Munyń túkke keregi joq. Dál ázir bizge "joǵarydan jasalatyn revoliýtsiia" qajet.
Ábliazov? DVK-nyń ekstremizmi kerek emes, - deidi Ertisbaev myrza.
Túneýkúni Ábliazovpen aitysqan Ertisbaev Qazaqstandaǵy ekonomikalyq ózgeristerdi, áleýmettik memleket qurýdy, saiasi reformany Toqaevtyń prezidenttigi arqyly júrgizýden ózge balama joq degen toqtamǵa kelipti.
- Kópultty Qazaqstan halqynyń basym kópshiligi Nazarbaevtyń saiasaty men búgingi Prezident Toqaevty qoldaidy.
Demokratiia degenimiz de sol. Kópshiliktiń biligi degenimiz sol. 21 qyrkúiekte ereýilge shyqqaly otyrǵan júzdegen, myńdaǵan "ábliazovshylar" bul áreketiniń zańsyz ekenin bilýi qajet, ol essizder qazaqtyń basty qundylyǵy – Egemendikti qurtý jolyna tústi.
"Alańǵa shyǵamyz da bul biliktiń butyn but, qolyn qol qylamyz" dep delebesi qozatyn internettegi "knopka basqysh batyrlar" dúrbeleń bolǵan jaǵdaida ózderiniń el men úkimetke qarsy shyqqany úshin eń aýyr jazaǵa tartylatynyn bilýi tiis.
Nazarbaev el basqarǵan 30 jylda biz álem moiyndaǵan abyroily elge ainaldyq. TMD-ny timiskilep shyqsańyz, bizde ǵana tóńkeris, azamattyq soǵys atymen bolǵan joq, jerimizden joǵaltpadyq.
Osy kúnge deiin elimizdiń dushpany joq edi. Alaida endi ishimizden de, syrtymyzdan da talap jegisi bar jar astynda jasyryn jatqan jaý shyqty.
Qytaiǵa qarsy túneýkúngi ereýilder áldebireýlerdiń aitaǵymen syrttan uiymdastyryldy, mundailar el ishindegi qapaly, nazaly kóńil-kúide júrgen bilimi, saýaty tómen jastardy paidalanýda.
Ashyǵyn aitaiyn, bizge qarsy aqparattyq ári ideologiialyq soǵys bastalyp ketti. Munyń sońy tóńkeriske, dúrbeleń men daýǵa ulasyp ketýi - asa qaýipti. Bilik, el, qoǵam osyndai jańa qaýip-qaterlerge qazirden qarsy shyǵyp, syrtqy kúshterdiń arbaýyna túsýge jol bermeý kerek, - dep jazǵan eken Ermuhamet Ertisbaev.
Al FREDO
