قازاقستان حالىق پارتياسى ايماقتارداعى سايلاۋالدى ۇگىت-ناسيحات جۇمىسىن جالعاستىرىپ جاتىر. جالپى ساياسي ناۋقان باستالعالى كانديداتتار ەكى مىڭنان استام وسىنداي ءىس-شارا وتكىزگەن.

ۇيىم ءتوراعاسى ەرمۇحامەت ەرتىسبايەۆ باستاعان توپ پاۆلوداردا ەڭبەك ۇجىمدارىمەن جولىقتى. سولاردىڭ ءبىرى – كۇيدىرىلگەن مۇناي كوكسىن وندىرەتىن زاۋىت. 2 مىڭنان اسا جيىنعا 17 وبلىس پەن رەسپۋبليكالىق ماڭىزعا يە 3 قالانىڭ 600 مىڭ تۇرعىنى قاتىسىپتى.

ۇمىتكەرلەر ولارعا پارتيانىڭ باعدارلاماسىن تانىستىردى. سونداي-اق، ايماقتاردى دامىتۋ بويىنشا حالىقتى تولعاندىرعان سۇراقتارعا جاۋاپ بەرىپ، ۇسىنىس-تىلەكتەرىن تىڭدادى.

ايتا كەتەيىك قازاقستان حالىق پارتياسىنان ءماجىلىس دەپۋتاتتىعىنا 66، ال ءماسليحاتتارداعى مانداتقا 500-گە جۋىق ۇمىتكەر ۇسىنىلعان.

ەرمۇحامەت ەرتىسبايەۆ، «قازاقستان حالىق پارتياسى» قب ءتوراعاسى:

مەن تۇرعان پاۆلودارداعى مۇناي كوكسىن وندىرەتىن كەشەن ءوڭىردىڭ، ەلىمىزدىڭ دامۋىنا ءوز ۇلەسىن قوسۋدا. جۇمىسشىلاردىڭ ەڭبەك جاعدايىمەن تانىستىق. قالاداعى باسقا دا بيزنەس وكىلدەرى، قوعام بەلسەندىلەرىمەن كەزدەسىپ، ءتۇرلى ۇسىنىستار تىڭدالدى.