ول جازاسىن قاتاڭ رەجيمدەگى كولونيادا وتەيدى. سونىمەن قاتار، ونىڭ مۇلكى تاركىلەنىپ، مەملەكەتتىك جانە كوممەرسيالىق ۇيىمداردا جەتەكشىلىك قىزمەت ەتۋ قۇقىعىنان ءومىر بويىنا ايىرىلدى.
سوت پرەزيدەنتكە ەرمەگيايەۆتى مەملەكەتتىك ماراپاتىنان ايىرۋ تۋرالى ۇسىنىس ەنگىزدى.
"ەرمەگيايەۆتىڭ قىلمىستىق جولمەن تابىلعان نەمەسە قىلمىستىق جولمەن تابىلعان قاراجاتتارعا الىنعان مۇلكiن تاركiلەپ، مەملەكەتتىك ورگاندارمەن كوممەرسيالىق ۇيىمداردا باسشى قىزمەتىن اتقارۋ قۇقىعىنان ايىرۋ تۇرىندەگى جازا قولدانا وتىرىپ، 14 جىلعا باس بوستاندىعىنان ايىرۋ جازاسى تاعايىندالسىن. جازا مەرزىمى 2016 جىلدىڭ 9 ماۋسىمىنان باستاپ ەسەپتەلسىن. (...) ەرمەگيايەۆتى ءۇي قاماعىندا ۇستاۋ شاراسى ۇكىم كۇشىنە ەنگەنگە دەيىن قاماۋعا الۋ جازاسىنا وزگەرتىلسىن جانە ول سوت زالىندا قاماۋعا الىنسىن. قازاقستان رەسپۋبليكاسى پرەزيدەنتىنە ەرمەگيايەۆتى "پاراسات" وردەنى مەملەكەتتىك ماراپاتىنان ايىرۋ تۋرالى ۇسىنىس ەنگىزىلسىن"، - دەدى سۋديا.
قىلمىستىق ءىستىڭ فيگۋرانتتارىنا قاتىستى ۇكىم سوت عيماراتىنىڭ ۇلكەن زالىندا وقىلدى. زالدىڭ ىشىنە ادام لىق تولدى. سوتتالۋشىلاردى قولداۋعا جاقىندارى مەن تۋىستارى كەلدى.
"استانا ەكسپو-2017" ۇك" اكسيونەرلىك قوعامىنىڭ بۇرىنعى ءتوراعاسى تالعات ەرمەگيايەۆ قىلمىستىق كودەكستىڭ 311-بابى 5-بولىگى، 176-بابى 4ء-شى "ب" تارماعى، 189-بابى 4-بولىگى 2-تارماعى بويىنشا ايىپتالعان ەدى. بۇعان دەيىن وتكەن سوت وتىرىستارى كەزىندە ول پارا الۋ جانە كومپانيانىڭ قاراجاتىن زاڭسىز يەمدەنۋ بويىنشا تاعىلعان ايىپتاردى جوققا شىعارىپ، كىناسىز ەكەنىن بىرنەشە رەت مالىمدەدى.
"كەيبىر ادامدارعا مەنىڭ تۇرمەگە وتىرعانىم قاجەت بولعاندىقتان، مەن ايىپتالىپ وتىرمىن. مەندە تاڭداۋ بولدى: ءوز ۇستانىمدارىممەن ادال بولىپ قالۋ نەمەسە جەمقورلىققا قارسى قىزمەت قۇرعىسى كەلگەن جالعاندىققا بارۋ. مەن ءوزىمدى قورعاۋ ءۇشىن وزىمدە بار قۇجاتتارعا سىلتەمە جاساي الامىن نەمەسە ءوزىم راستاي الاتىن تولەمدەر تۋرالى ايتا الامىن. سەبەبى بۇل مەنىڭ ەلىمە جانە ءوزىم بار كۇشىمدى ارناعان جوبانىڭ بەدەلىنە نۇقسان كەلتىرەدى"، - دەدى ەرمەگيايەۆ.
جەمقورلىققا قارسى قىزمەتتىڭ مالىمەتىنشە، "استانا ەكسپو-2017" كومپانياسىنان ۇرلانعان قاراجاتتىڭ مولشەرى 10 ميلليارد 200 ميلليون تەڭگە بولدى. قىلمىستىق ءىس بويىنشا 23 ادام ايىپتالدى. ولار قىلمىستىق ءىستىڭ بەس ەپيزودى بويىنشا ايىپتالدى. سوت پروسەسى بيىل 4 ساۋىردە باستالىپ، ەكى ايعا سوزىلدى.
ايتا كەتەيىك، 8 ماۋسىمدا استانانىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ سۋدياسى قاجىمۇقان مەكەمتاس ءوز كىنالارىن مويىنداپ، پروكۋرورلارمەن كەلىسىمگە بارعان 12 فيگۋرانتقا قاتىستى ۇكىم شىعاردى. ولاردىڭ ىشىندە "استانا ەكسپو-2017" كومپانياسىنىڭ قۇرىلىس دەپارتامەنتىنىڭ ەكس-باسشىسى، 61 جاستاعى قاجىمۇقان ۇسەنوۆ بار. سوت ونى ايىپتى دەپ تانىپ، ەكى جىلعا باس بوستاندىعىنان ايىردى. ۇسەنوۆتى قاراۋىل جاساعى سوت زالىندا قاماۋعا الدى.
