Ermegiiaev 14 jylǵa sottaldy
Ol jazasyn qatań rejimdegi koloniiada óteidi. Sonymen qatar, onyń múlki tárkilenip, memlekettik jáne kommertsiialyq uiymdarda jetekshilik qyzmet etý quqyǵynan ómir boiyna aiyryldy.
Sot Prezidentke Ermegiiaevti memlekettik marapatynan aiyrý týraly usynys engizdi.
"Ermegiiaevtiń qylmystyq jolmen tabylǵan nemese qylmystyq jolmen tabylǵan qarajattarǵa alynǵan múlkin tárkilep, memlekettik organdarmen kommertsiialyq uiymdarda basshy qyzmetin atqarý quqyǵynan aiyrý túrindegi jaza qoldana otyryp, 14 jylǵa bas bostandyǵynan aiyrý jazasy taǵaiyndalsyn. Jaza merzimi 2016 jyldyń 9 maýsymynan bastap eseptelsin. (...) Ermegiiaevti úi qamaǵynda ustaý sharasy úkim kúshine engenge deiin qamaýǵa alý jazasyna ózgertilsin jáne ol sot zalynda qamaýǵa alynsyn. Qazaqstan Respýblikasy Prezidentine Ermegiiaevti "Parasat" ordeni memlekettik marapatynan aiyrý týraly usynys engizilsin", - dedi sýdia.
Qylmystyq istiń figýranttaryna qatysty úkim sot ǵimaratynyń úlken zalynda oqyldy. Zaldyń ishine adam lyq toldy. Sottalýshylardy qoldaýǵa jaqyndary men týystary keldi.
"Astana EKSPO-2017" UK" aktsionerlik qoǵamynyń burynǵy tóraǵasy Talǵat Ermegiiaev Qylmystyq Kodekstiń 311-baby 5-bóligi, 176-baby 4-shi "b" tarmaǵy, 189-baby 4-bóligi 2-tarmaǵy boiynsha aiyptalǵan edi. Buǵan deiin ótken sot otyrystary kezinde ol para alý jáne kompaniianyń qarajatyn zańsyz iemdený boiynsha taǵylǵan aiyptardy joqqa shyǵaryp, kinásiz ekenin birneshe ret málimdedi.
"Keibir adamdarǵa meniń túrmege otyrǵanym qajet bolǵandyqtan, men aiyptalyp otyrmyn. Mende tańdaý boldy: óz ustanymdarymmen adal bolyp qalý nemese jemqorlyqqa qarsy qyzmet qurǵysy kelgen jalǵandyqqa barý. Men ózimdi qorǵaý úshin ózimde bar qujattarǵa silteme jasai alamyn nemese ózim rastai alatyn tólemder týraly aita alamyn. Sebebi bul meniń elime jáne ózim bar kúshimdi arnaǵan jobanyń bedeline nuqsan keltiredi", - dedi Ermegiiaev.
Jemqorlyqqa qarsy qyzmettiń málimetinshe, "Astana EKSPO-2017" kompaniiasynan urlanǵan qarajattyń mólsheri 10 milliard 200 million teńge boldy. Qylmystyq is boiynsha 23 adam aiyptaldy. Olar qylmystyq istiń bes epizody boiynsha aiyptaldy. Sot protsesi biyl 4 sáýirde bastalyp, eki aiǵa sozyldy.
Aita keteiik, 8 maýsymda Astananyń qylmystyq ister jónindegi mamandandyrylǵan aýdanaralyq sotynyń sýdiasy Qajymuqan Mekemtas óz kinálaryn moiyndap, prokýrorlarmen kelisimge barǵan 12 figýrantqa qatysty úkim shyǵardy. Olardyń ishinde "Astana EKSPO-2017" kompaniiasynyń Qurylys departamentiniń eks-basshysy, 61 jastaǵy Qajymuqan úsenov bar. Sot ony aiypty dep tanyp, eki jylǵa bas bostandyǵynan aiyrdy. Úsenovti qaraýyl jasaǵy sot zalynda qamaýǵa aldy.
