"ەرلان ءبىلالعا قاتىستى ق ر قىلمىستىق كودەكسىنىڭ 366-بابىنىڭ 2-بولىگى جانە 24-بابىنىڭ 3-بولىگى بويىنشا قوزعالعان ءىس الماتى قالاسىنىڭ المالى اۋداندىق سوتىنا ءتۇستى"، – دەپ حابارلادى قالالىق سوتتىڭ باسپا ءسوز قىزمەتىندەگىلەر.
سوتتىڭ مالىمەتىنشە، ەرلان ءبىلال "سەزام" قوعام قايىرىمدىلىق-شىعارماشىلىق قورىنىڭ جەتەكشىسىنەن 2017 جىلدىڭ 23 جەلتوقسانىنان 2018 جىلدىڭ 7 قاڭتارى ارالىعىندا بىرلەسكەن تەاتر قويىلىمدارى جايلى قۇجاتقا قول قويدىرۋ ءۇشىن 900 مىڭ تەڭگە كولەمىندە پارا الدى دەگەن كۇدىككە ءىلىندى. وسىعان دەيىن ەرلان ءبىلالدىڭ 1 205 000 تەڭگە كەپىلمەن بوساتىلعانى حابارلانعان ەدى.
"2018 جىلدىڭ 9 قاڭتارىندا الماتى قالاسىنىڭ مەدەۋ اۋداندىق №2 سوتىنىڭ تەرگەۋ سۋدياسى مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاتر ديرەكتورىنا قاتىستى بۇلتارتپاۋ شاراسى رەتىندە كەپىلگە الۋ تۋرالى شەشىم شىعاردى. 1 ميلليون 205 مىڭ تەڭگە كولەمىندە كەپىل تولەندى"، - دەگەن ەدى سوتتاعىلار.
ەسكە سالا كەتەيىك، ق ر ەڭبەك سىڭىرگەن قايراتكەرى ەرلان ءبىلال 5 قاڭتاردا 1،5 ميلليون تەڭگە پارامەن ۇستالعان بولاتىن. "مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى الماتىدا جاڭا جىل كەزىندە بالالارعا قويىلىم قويۋ ماقساتىندا تەاتردان ورىن بەرۋ ءۇشىن زاڭدى تۇلعادان 1،5 ميلليون تەڭگە پارا الدى دەگەن كۇدىككە ءىلىندى. كىناسىن تولىق مويىنداۋىنا بايلانىستى ول قاماۋعا الىنعان جوق. سوتقا دەيىنگى تەرگەۋ شارالارى ءجۇرىپ جاتىر"، – دەپ حابارلاعان ەدى.
ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى نۇرلان جاحين. ال 9 قاڭتاردا اۋەزوۆ تەاترى ديرەكتورى مىندەتىن اتقارۋشى تاعايىندالعان بولاتىن.
"قازاقستان رەسپۋبليكاسى مادەنيەت جانە سپورت مينيسترلىگىنىڭ "مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترى" رەسپۋبليكالىق مەملەكەتتىك قازىنالىق كاسىپورنىنىڭ ديرەكتورى ءبىلالوۆ ەرلان ءابدىلدا ۇلى 2018 جىلدىڭ 4 قاڭتارىندا ءىستىڭ ءمان-جايى انىقتالعانشا قىزمەتىنەن شەتتەتىلدى. شەتتەتىلگەن ۋاقىتتا مىندەتتى ديرەكتوردىڭ شىعارماشىلىق ءىس بويىنشا ورىنباسارى جانداربەك الايدار ۇلى اتقارادى"، – دەلىنگەن ەدى مينيسترلىك حابارلاماسىندا.
https://dalanews.kz/33294
