ەركە ەسماحاننىڭ ٸسٸ سوتقا جولداندى
دەپارتامەنتتٸڭ باسپاسٶز قىزمەتٸنٸڭ حابارلاۋىنشا, قازاقستاندىق شوۋ-بيزنەس ٶكٸلدەرٸنٸڭ اراسىندا كٶلٸك سالىعىن تٶلەمەگەندەر بار. جۇلدىزدار 400 مىڭ تەڭگەدەن اسا سالىق تٶلەمەگەن. اتاپ ايتقاندا, ەنشٸ ەرنار ايدار – 205,1 مىڭ تەڭگە, رانو ۋماروۆا – 88,8 مىڭ تەڭگە, جەڭٸس ىسقاقوۆا – 73,2 مىڭ تەڭگە, ەركە ەسماحان – 41,1 مىڭ تەڭگە بەرەشەك.
– بۇل ازاماتتارعا قاتىستى ٸس ماتەريالدارى جيناقتالىپ, سوت ورگاندارىنا بەرٸلدٸ. سوت ورگاندارى قارىزدى ٶندٸرۋ تۋرالى ٷكٸم شىعاردى, – دەدٸ باسپاسٶز قىزمەتٸنەن. سالىق قارىزى تۋرالى اقپاراتتى ەلەكتروندى سەرۆيس ارقىلى قر قارجى مينيسترلٸگٸ مەملەكەتتٸك كٸرٸستەر كوميتەتٸنٸڭ kgd.gov.kz سايتىنان كٶرۋگە بولادى.
قالالىق دەپارتامەنت 31 جەلتوقساندا 2017 جىلعى كٶلٸك سالىعىن تٶلەۋ مەرزٸمٸ اياقتالاتىنىن حابارلايدى. ايتا كەتۋ كەرەك, 2016 جىلدان باستاپ كٶلٸك سالىعى تٶلەۋشٸنٸڭ تۇرعىلىقتى جەرٸ بويىنشا تٶلەنەدٸ. 2017 جىلدىڭ 5 جەلتوقسانىنداعى مەلٸمەت بويىنشا 90 مىڭ الماتى تۇرعىنى 4,2 ملرد تەڭگە قارىز. ونىڭ ٸشٸندە 19213 بورىشكەردٸڭ ٸسٸ سوتقا جٸبەرٸلدٸ. 3 653 ادامعا شەتەلگە شىعۋعا تىيىم سالىندى. 2849 ادامنىڭ مٷلكٸنە تىيىم سالىندى.
