قر پرەزيدەنتٸ جانىنداعى ورتالىق كوممۋنيكاتسييالار قىزمەتٸ ٸسكە قوسقان پودكاستتا ٸشكٸ ٸستەر مينيسترٸ ەرجان سەدەنوۆ رەزونانس تۋدىرعان بٸرقاتار سۇراققا جاۋاپ بەردٸ, ونىڭ ٸشٸندە جاقىندا پايدا بولعان «شترافستان» تٷسٸنٸگٸنە قاتىستى ساۋال دا بولدى, - دەپ حابارلايدى Dalanews.kz.
«مەنٸڭشە, بۇلاي ەرەجەنٸ بۇزاتىندار ايتادى. قوعامنىڭ بٸر بٶلٸگٸ, ەرينە, تٷسٸنەدٸ. بٸز بٸرقاتار زاڭنامالىق شارا قابىلدادىق, كەيبٸرٸ قاتاڭ شىعار, بٸراق ونسىز تەرتٸپ ورناتۋ مٷمكٸن ەمەس دەپ ويلايمىن. ەرەجەنٸ بۇزباساڭىز, ايىپپۇل سالىنبايدى. ادامدار وسىنى تٷسٸنۋٸ كەرەك. ال جاعىمسىز سٶزدٸ ايتاتىندار ٶز مەملەكەتٸن, وتانىن قۇرمەتتەمەيتٸن بولار. ول ادام ٶزٸنە قاراپ الۋى كەرەك. ول نەگە بۇلاي ٸستەي? تەرتٸپتٸ بۇزبا, تٷكٸرمە. بۇل قاراپايىم عانا نەرسە. بۇل مەدەنيەت», – دەدٸ ەلٸمٸزدٸڭ باس پوليتسەيٸ.
ەرجان سەدەنوۆ پوليتسييا بارىنشا كٶپ ايىپپۇل جيناۋدى ماقسات ەتٸپ وتىرماعانىن اتاپ ٶتتٸ.
«جالپى پوليتسييانىڭ ماقساتى پروفيلاكتيكا, زاڭ ارقىلى قوعامنىڭ ساناسىنا جەتكٸزە وتىرىپ, الداعى ۋاقىتتا قۇقىق بۇزۋشىلىقتاردىڭ ازايۋىنا قول جەتكٸزۋ ەكەنٸن اتاپ ٶتكەن جٶن. ياعني, قوعامنىڭ ٶزٸ بۇلاي ٸستەۋگە بولمايتىنىن تٷسٸنۋٸ كەرەك. بٸزدٸڭ قوعام, مەملەكەتٸمٸز, حالقىمىز بۇعان جاقىن ارادا قول جەتكٸزەدٸ دەپ ويلايمىن», – دەدٸ ٸٸم باسشىسى.
سونىمەن قاتار ەرجان سەدەنوۆ «زاڭ مەن تەرتٸپ» قاعيداتى بٸزدٸڭ قوعامعا گەنەتيكالىق دەڭگەيدەن تەن ەكەنٸن ايتتى.
«جەتٸ جارعى» زاڭدار جيناعى بار, دالا زاڭدارى بولعان. تەرتٸپ بۇزبا. تەرتٸپتٸ بۇزساڭ, جاۋاپ بەرەسٸڭ», – دەدٸ ول.
ۆەدومستۆو باسشىسى جازانىڭ بۇلتارتپاۋشىلىق قاعيداتى قۇقىقتىق تەرتٸپ پەن زاڭدىلىقتى ساقتاۋعا جاعداي جاسايتىنىن اتاپ ٶتتٸ.
