QR Prezidenti janyndaǵy Ortalyq kommýnikatsiialar qyzmeti iske qosqan podkastta ishki ister ministri Erjan Sádenov rezonans týdyrǵan birqatar suraqqa jaýap berdi, onyń ishinde jaqynda paida bolǵan «Shtrafstan» túsinigine qatysty saýal da boldy, - dep habarlaidy Dalanews.kz.
«Menińshe, bulai erejeni buzatyndar aitady. Qoǵamnyń bir bóligi, árine, túsinedi. Biz birqatar zańnamalyq shara qabyldadyq, keibiri qatań shyǵar, biraq onsyz tártip ornatý múmkin emes dep oilaimyn. Erejeni buzbasańyz, aiyppul salynbaidy. Adamdar osyny túsinýi kerek. Al jaǵymsyz sózdi aitatyndar óz memleketin, Otanyn qurmettemeitin bolar. Ol adam ózine qarap alýy kerek. Ol nege bulai istei? Tártipti buzba, túkirme. Bul qarapaiym ǵana nárse. Bul mádeniet», – dedi elimizdiń bas politseii.
Erjan Sádenov politsiia barynsha kóp aiyppul jinaýdy maqsat etip otyrmaǵanyn atap ótti.
«Jalpy politsiianyń maqsaty profilaktika, zań arqyly qoǵamnyń sanasyna jetkize otyryp, aldaǵy ýaqytta quqyq buzýshylyqtardyń azaiýyna qol jetkizý ekenin atap ótken jón. Iaǵni, qoǵamnyń ózi bulai isteýge bolmaitynyn túsinýi kerek. Bizdiń qoǵam, memleketimiz, halqymyz buǵan jaqyn arada qol jetkizedi dep oilaimyn», – dedi IIM basshysy.
Sonymen qatar Erjan Sádenov «Zań men tártip» qaǵidaty bizdiń qoǵamǵa genetikalyq deńgeiden tán ekenin aitty.
«Jeti jarǵy» zańdar jinaǵy bar, dala zańdary bolǵan. Tártip buzba. Tártipti buzsań, jaýap beresiń», – dedi ol.
Vedomstvo basshysy jazanyń bultartpaýshylyq qaǵidaty quqyqtyq tártip pen zańdylyqty saqtaýǵa jaǵdai jasaitynyn atap ótti.
