حافيزا حانىم تٷرٸك ەكونوميكاسى مەن اقشا-نەسيە ساياساتىنداعى ەلسٸز تۇستاردى جاقسى بٸلەدٸ.
بۇعان دەيٸن تٷرٸك ەكونوميكاسىنىڭ ەڭ ەلسٸز جەرٸ – رەجەپ تايىپ ەردوعان بولىپ كەلگەن ەدٸ. بٸراق قايتا سايلانعان ەردوعان ٶز قاتەلٸگٸن تٷسٸنٸپ, ەندٸ ەكونوميكالىق كٶزقاراسىن ٶزگەرتۋگە دايىن ەكەنٸن ىقىلاس تانىتىپ وتىر.
حافيزانى ورتالىق بانك تٶرايىمى لاۋازىمىنا, سونىمەن بٸرگە Merrill Lynch-تٸڭ لوندونداعى بٶلٸمشەسٸندە قىزمەت ەتكەن مەحمەت شيمشەكتٸ قارجى مينيسترٸ كرەسلوسىنا وتىرعىزۋى – تٷركييا پرەزيدەنتٸنٸڭ ەكونوميكاداعى مەسەلەلەردٸ رەتتەۋ ٷشٸن "شوك" تەراپيياسىنا دا دايىن ەكەندٸگٸن كٶرسەتەدٸ.
حافيزا-شيمشەك تاندەمٸ ليرانىڭ كۋرسىن تۇراقتاندىرىپ, قارجى نارىعىندا تىنىشتىق ورناتادى دەگەن سەنٸم مول.
دەل وسى رەتتە, سەنٸم كاپيتالى اۆانس رەتٸندە وينايدى, ەندٸ حافيزا-شيمشەك فاكتورىنا سەنٸم ارتقان حالىقارالىق ينۆەستورلار, ۆاليۋتالىق بروكەرلەر تٷرٸك بيرجاسىنا قايتا ورالماق. بۇل كەم دەگەندە +1 بازيستٸ پۋنكت.
ەردوعانعا تەك ورتالىق بانك جۇمىسىنا ارالاسپاۋ كەرەك. بولدى, باسقا ەشتەڭە كەرەك ەمەس.
ال حافيزا حانىمنىڭ بازالىق ستاۆكانى كٶتەرەتٸنٸ كٷمەن تۋعىزبايدى. تٷركييا ورتالىق بانكٸنٸڭ ستاۆكا بويىنشا وتىرىسى 22 ماۋسىمدا ٶتەدٸ. JP Morgan اناليتيكتەرٸ بازالىق ستاۆكا سول كەزدە 25 پايىزعا جەتەدٸ دەپ بولجاپ وتىر.
انكارا ينفلياتسييانى اۋىزدىقتاپ, كۋرستى جوق دەگەندە دوللارىنا 12 ليراعا تٷسٸرە السا, وندا اقش ينۆەستبانكتارىنان اۋىسىپ كەلگەن تٷرٸكتٸڭ جاس تولقىنى ٶز وتانى الدىندا بورىشىن ٶتەدٸ دەپ ساناۋعا بولادى. ەزٸرگە ليرا دوللارىنا 23-كە دەيٸن قۇلدىراپ, انتيرەكورد جاڭارتتى.
22 ماۋسىمدا تٷركييا ەكونوميكانىڭ قاي رەلسٸن تاڭداعانىن كٶرەتٸن بولامىز. تۇران ەكونوميكاسىنىڭ دا تاعدىرى سول كەزدە شەشٸلەدٸ. سوندىقتان, تۇران وداعىنداعى ەكونوميكاسى بويىنشا نٶمٸرٸ ەكٸنشٸ مەملەكەت - قازاقستان دا بٸر دەمٸن ٸشٸنە تارتىپ, وسى سەتتٸ كٷتٸپ وتىر.
ايبار ولجاەۆ, قارجى ساراپشىسى.
