تٷركييا پرەزيدەنتٸ رەجەپ تاييپ ەردوعان شەتەلدٸك ينۆەستورلار مەن ەلگە قونىس اۋدارعىسى كەلەتٸن ازاماتتاردى تارتۋعا باعىتتالعان اۋقىمدى سالىقتىق جەڭٸلدٸكتەر پاكەتٸن جارييالادى. ونىڭ ايتۋىنشا, بۇل شارالار تٷركييانى حالىقارالىق كاپيتال, ساۋدا جەنە تالانتتار ٷشٸن جاھاندىق تارتىمدىلىق ورتالىعىنا اينالدىرۋعا تيٸس, دەپ حابارلايدى dalanews.kz.
پارلامەنت قاراۋىنا ۇسىنىلاتىن باستامالار قاتارىندا ەكسپورتتاۋشىلار مەن ٶندٸرۋشٸلەر ٷشٸن كورپوراتيۆتٸك تابىس سالىعىن ايتارلىقتاي تٶمەندەتۋ, ترانزيتتٸك ساۋدادان تٷسەتٸن تابىسقا سالىناتىن سالىقتى بارىنشا ازايتۋ, سونداي-اق تٷركيياعا كٶشٸپ كەلەتٸن شەتەلدٸك رەزيدەنتتەرگە 20 جىلدىق سالىقتىق دەمالىس بەرۋ قاراستىرىلعان.
ەردوعان بۇل تۋرالى ىستانبۇلداعى دولماباحچە جۇمىس كەڭسەسٸندە ٶتكەن «تٷركييا ينۆەستيتسييالىق ورتالىعى: كٷش عاسىرى» اتتى ٸس-شارا بارىسىندا مەلٸمدەدٸ. ول باستامالاردى ەلەمدٸك ەكونوميكاداعى تۇراقسىزدىق جاعدايىمەن بايلانىستىردى.
پرەزيدەنتتٸڭ ايتۋىنشا, ٶڭٸرلٸك قاقتىعىستاردىڭ سالدارى مەن حالىقارالىق ساۋداداعى ٶزگەرٸستەر جاھاندىق ەكونوميكاعا ىقپالىن جالعاستىرىپ جاتىر.
«ەربٸر بيزنەس پەن ەكونوميكانىڭ ەر سالاسى قالىڭ تۇماننىڭ ٸشٸندە ٶز جولى مەن باعىتىن ٸزدەپ جٷر», – دەدٸ ەردوعان.
ول سونداي-اق جالعاسىپ جاتقان قاقتىعىستاردىڭ ەسەرٸ ەنەرگەتيكا, ٶندٸرٸس, ساۋدا, تۋريزم جەنە كٶلٸك سالالارىندا ايقىن سەزٸلٸپ وتىرعانىن اتاپ ٶتتٸ.
جاڭا شارالاردىڭ ٸشٸندەگٸ ەڭ ماڭىزدىسىنىڭ بٸرٸ – شەتەلدە تۇراتىن اۋقاتتى ازاماتتار مەن جوعارى بٸلٸكتٸ ماماندارعا ارنالعان جەڭٸلدٸك. سوڭعى ٷش جىل ٸشٸندە تٷركييانىڭ سالىق رەزيدەنتٸ بولماعان جەنە ەلگە كٶشٸپ كەلۋگە شەشٸم قابىلداعان ادامدار 20 جىل بويى شەتەلدە تاپقان تابىستارى مەن كاپيتال ٶسٸمٸنەن تٷركييادا سالىق تٶلەۋدەن بوساتىلادى.
بۇل رەتتە تەك تٷركييا اۋماعىندا الىنعان تابىسقا عانا سالىق سالىنادى.
سونىمەن قاتار ەردوعان مۇنداي ازاماتتار ٷشٸن مۇراگەرلٸك پەن سىيعا تارتۋعا سالىناتىن سالىق مٶلشەرلەمەسٸ 1 پايىز دەڭگەيٸندە بەلگٸلەنەتٸنٸن ايتتى.
بۇدان بٶلەك, تٷركييا ٷكٸمەتٸ شەتەلدەگٸ اكتيۆتەردٸ ەلگە قايتارۋعا جاعداي جاساۋدى جوسپارلاپ وتىر. ەڭگٸمە قولما-قول اقشا, التىن جەنە باعالى قاعازدار تۋرالى بولىپ وتىر. بيلٸك ولاردى بەلگٸلٸ بٸر مەرزٸم ٸشٸندە تٶمەندەتٸلگەن سالىق مٶلشەرلەمەسٸمەن تٷركيياعا ەكەلۋگە مٷمكٸندٸك بەرمەك.
رەسمي انكارانىڭ ماقساتى – شەتەلدەگٸ قارجىنى ٸشكٸ ەكونوميكاعا قايتا باعىتتاپ, ينۆەستيتسييالىق بەلسەندٸلٸكتٸ كٷشەيتۋ.
