قازاقستان پرەزيدەنتى نۇرسۇلتان نازاربايەۆ بريۋسسەلدە ەۋروپا ودعىنىڭ ءتوراعاسى دونالد تۋسكپەن كەزدەستى.
ەكى جاق قازاقستان مەن ەو-نىڭ ساياسي، ساۋدا-ەكونوميكالىق جانە مادەني-گۋمانيتارلىق سالالارداعى ارىپتەستىگىن تالقىلادى. سونىمەن بىرگە نازاربايەۆ ەۋروپالىق كوميسسيانىڭ باسشىسى جان-كلود يۋنكەرمەن كەدەستى.
- مەن قازاقستانداعى ادام قۇقىقتارى ماسەلەلەرىن كوتەردىم. مەن ادام قۇقىقتارىنا قاتىستى قازاقستاندا قابىلدانعان ەرەجەلەردىڭ قاتال قولدانىلاتىنى تۋرالى ماسەلەنى ايتتىم. مەن بۇل تۇيتكىلدەردى باسقالارعا قاراعاندا جەتىك بىلمەسەم دە، پرەزيدەنت نازاربايەۆتى 30 جىلدان بەرى بىلەمىن. ونىڭ مۇنداي ماسەلەگە وتە نازىك قارايتىنىن، اسىرەسە قازاقستان بيلىگى مەن شەتەلدىك ۇكىمەتتىك ەمەس ۇيىمدار اراسىنداعى قارىم-قاتىناستا ابايلايتىنىن بىلەمىن، - دەدى جان-كلود يۋنكەر بريۋسسەلدەگى بىرلەسكەن باسپا ءسوز جينىنىندا.
