قازاقستاندا زەينەتاقى جيناعىن پايدالانۋعا قاتىستى جاڭا شەكتەۋ ەنگٸزٸلدٸ, دەپ حابارلايدى Dalanews.kz.
4 جەلتوقساننان باستاپ enpf-otbasy.kz پلاتفورماسىندا وفتالمولوگييالىق قىزمەتتەردٸ بٸرجولعى زەينەتاقى تٶلەمدەرٸ (بزت) ارقىلى ٶتەۋگە ٶتٸنٸم قابىلداۋ توقتاتىلدى.
بانك ٶكٸلدەرٸنٸڭ ايتۋىنشا, وسى كٷنگە دەيٸن تٷسكەن بارلىق ٶتٸنٸش مەن-جايىنا ساي قارالىپ, بەكٸتٸلگەن تەرتٸپپەن ٶڭدەلەتٸن بولادى.
«ٶتٸنٸم قابىلداۋدىڭ توقتاتىلۋىنا دەنساۋلىق ساقتاۋ مينيسترلٸگٸ بەكٸتكەن, بزت قاراجاتىن ەمدەلۋگە پايدالانۋ قاعيدالارىنا ەنگٸزٸلگەن ٶزگەرٸستەر سەبەپ بولدى. 2025 جىلعى 3 جەلتوقساندا شىققان بۇيرىققا سەيكەس, ەندٸ زەينەتاقى جيناعىن ستوماتولوگييالىق قىزمەتتەرگە عانا ەمەس, وفتالمولوگيياعا دا جۇمساۋعا رۇقسات بەرٸلمەيدٸ», - دەپ حابارلادى قارجى ۇيىمى.
وتباسى بانكتٸڭ دەرەگٸنشە, قازٸر «وفتالمولوگييا» باعىتى بويىنشا 15 808 ٶتٸنٸم قارالۋدا. ولاردىڭ جالپى سوماسى - 13,3 ملرد تەڭگە.
بانك ماماندارى 4,6 ملرد تەڭگەنٸ قۇرايتىن 5 مىڭنان اسا ٶتٸنٸم بويىنشا قۇجاتتاردى تەكسەرٸپ جاتىر. ال 10 677 ٶتٸنٸش يەسٸنەن (8,7 ملرد تەڭگە) قوسىمشا قۇجات تالاپ ەتٸلگەن.
«ستوماتولوگييا بويىنشا ٶتٸنٸم قابىلداۋ توقتاعاننان كەيٸن وفتالمولوگييالىق قىزمەتكە سۇرانىس ايتارلىقتاي ارتتى. 15 قىركٷيەككە دەيٸن اي سايىن شامامەن 174 ٶتٸنٸش ماقۇلدانسا, شەكتەۋدەن كەيٸن بۇل كٶرسەتكٸش 1 264-كە دەيٸن ٶستٸ - ٶسٸم 7 ەسەدەن دە كٶپ», - دەيدٸ بانك ٶكٸلدەرٸ.
سونىمەن بٸرگە ۇيىم بٸرنەشە كٷمەندٸ جاعداي انىقتالعانىن جەتكٸزدٸ.
«بٸر وفتالمولوگييالىق كلينيكامەن كەلٸسٸمشارت جاساعان ەرتٷرلٸ كليەنتتەردٸڭ ٶتٸنٸشتەرٸ كەلٸپ تٷسكەن. بٸراق قۇجاتتاردا كلينيكا ەر قالادا باسقا مەكەنجايمەن كٶرسەتٸلگەن. تەكسەرۋ كەزٸندە ول مەكەنجايلاردا مۇنداي مەكەمە جوق بولىپ شىقتى», - دەلٸنگەن حابارلامادا.
بانك قازاقستاندىقتاردىڭ زەينەتاقى جيناعىن ەلٸ دە ٶمٸرلٸك ماڭىزى بار, قىمبات ەم تٷرلەرٸنە پايدالانا الاتىنىن دا اتاپ ٶتتٸ.
