ٶنەركەسٸپ جەنە قۇرىلىس مينيسترلٸگٸ ٶكٸلدەرٸ تۇرعىن ٷيلەردٸڭ ماڭىنا كٶلٸك قويۋعا تىيىم سالىناتىنى تۋرالى اقپاراتقا قاتىستى پٸكٸر بٸلدٸردٸ, دەپ حابارلايدى dalanews.kz.
كەيٸنگٸ كٷندەرٸ ەلەۋمەتتٸك جەلٸلەر مەن بٸرقاتار بۇقارالىق اقپارات قۇرالىندا "2026 جىلعى 1 شٸلدەدەن باستاپ تۇرعىن ٷيلەردٸڭ ماڭىنا كٶلٸك قويۋعا تىيىم سالىناتىنى" تۋرالى اقپارات تارادى. الايدا ٶنەركەسٸپ جەنە قۇرىلىس مينيسترلٸگٸ بۇل مەلٸمەت شىندىققا جاناسپايتىنىن حابارلادى.
ۆەدومستۆو اقپاراتىنا سٷيەنسەك, "قالالار مەن ەلدٸ مەكەندەر اۋماقتارىن اباتتاندىرۋدىڭ ٷلگٸلٸك قاعيدالارىن بەكٸتۋ تۋرالى" بۇيرىقتا تۇرعىن ٷيلەر ماڭىنداعى اۆتوتۇراقتارعا قاتىستى جاڭا شەكتەۋ قاراستىرىلماعان.
مينيسترلٸك قۇجاتتىڭ باستى ماقساتى قۇرىلىس كودەكسٸ تالاپتارىنا سەيكەستەندٸرۋ جەنە اباتتاندىرۋ سالاسىنداعى بۇرىننان بار قولدانىستاعى نورمالاردى جاڭارتىلعان رەداكتسييادا بەكٸتۋ ەكەنٸن اتاپ ٶتتٸ.
سونداي-اق, جاڭا قاعيدالاردا ازاماتتاردىڭ ارنايى بەلگٸلەنگەن اۆتوتۇراق ورىندارىنا كٶلٸك قويۋىنا تىيىم سالاتىن تالاپ جوق. ٶزگەرٸستەردٸڭ بٸر بٶلٸگٸ تەك ناقتىلاۋ سيپاتىندا ەنگٸزٸلگەن. ياعني جەكە تۇرعىن ٷيلەرگە ٸرگەلەس اۋماقتا ۇزاق ۋاقىت ساقتاۋعا بولمايتىن جىلجىمالى مٷلٸكتەر تٸزٸمٸ ناقتىلانعان. جاڭا رەداكتسييادا مۇنداي مٷلٸك قاتارىنا كٶلٸكتەر, تٸركەمەلەر مەن اربالار ەنگٸزٸلگەن.
الايدا بۇل كٶلٸكتٸ پايدالانۋعا نەمەسە ارنايى بٶلٸنگەن ورىندارعا قويۋعا تىيىم سالۋ دەگەندٸ بٸلدٸرمەيدٸ. ەڭگٸمە ورتاق پايدالانىلاتىن اۋماقتا تٷرلٸ مٷلٸكتٸ ۇزاق ۋاقىت بويى جيناپ قويۋدىڭ الدىن الۋ تۋرالى بولىپ وتىر.
