نورماتيۆتىك قۇقىقتىق اكتىلەردىڭ ەلەكتروندى تۇردەگى ەتالوندى باقىلاۋ بانكىندە ونەركاسىپ جانە قۇرىلىس ءمينيسترى قانات شارلاپايەۆتىڭ بۇيرىعى جاريالاندى.
وندا بۇيرىق «ساۋدا قىزمەتىن رەتتەۋ تۋرالى» زاڭنىڭ 17-بابى 2-تارماعىنا جانە 18-بابى 1-تارماعىنىڭ 2) تارماقشاسىنا، ەۋرازيالىق ەكونوميكالىق وداق تۋرالى شارتتىڭ 29 جانە 47-باپتارىنا سايكەس، سونداي-اق 2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا 7-قوسىمشانىڭ 10-بولىمىنە سايكەس ازىرلەنگەنى كورسەتىلگەن.
ءرولى وڭ جاقتا ورنالاسقان جەڭىل اۆتوكولىكتەردى قازاقستان اۋماعىنا بولشەكتەلگەن تۇردە 6 اي مەرزىمگە اكەلۋگە تىيىم سالۋ ەنگىزىلسىن، - دەپ جازىلعان قۇجاتتا.
مينيسترلىك باسقا مەملەكەتتىك ورگاندارعا مىنانى حابارلاۋى كەرەك:
مەملەكەتتىك كىرىستەر كوميتەتىنە وسى بۇيرىقتىڭ 1-تارماعى زاڭناماسىندا بەلگىلەنگەن تارتىپپەن ىسكە اسىرۋ بويىنشا ۇلتتىق قاۋىپسىزدىك كوميتەتى شەكارا قىزمەتىمەن ءوزارا ءىس-قيمىل كەزىندە باقىلاۋدى قامتاماسىز ەتۋ تۋرالى؛
تەمىرجول جانە سۋ كولىگى كوميتەتىنە جانە «قازاقستان تەمىر جولى» ۇلتتىق كومپانياسى» اق-عا (كەلىسۋ بويىنشا) قازاقستان زاڭناماسىندا بەلگىلەنگەن تارتىپپەن وسى بۇيرىقتىڭ 1-تارماعىن ىسكە اسىرۋ جونىندە شارالار قابىلداۋ تۋرالى؛
ساۋدا جانە ينتەگراسيا مينيسترلىگىنە بەلگىلەنگەن تارتىپپەن وسى بۇيرىقتىڭ 1-تارماعىندا كورسەتىلگەن تىيىم سالۋدى ەنگىزۋ تۋرالى ەۋرازيالىق ەكونوميكالىق كوميسسياعا حابارلاۋ قاجەتتىگى تۋرالى حاباردار ەتسىن.
بۇيرىق رەسمي جاريالانعان كۇنىنەن كەيىن كۇنتىزبەلىك 10 كۇن وتكەن سوڭ قولدانىسقا ەنگىزىلەدى.
