ەندٸ جاماعات بەس ۋاقىت ناماز مەشٸتتە وقي الادى

ەندٸ جاماعات بەس ۋاقىت ناماز مەشٸتتە وقي الادى
قر پرەمەر-مينيسترٸ اسقار ماميننٸڭ تٶراعالىعىمەن ەلٸمٸزدٸڭ اۋماعىندا كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ سەلەكتورلىق وتىرىسى ٶتٸپ, كارانتيندٸ بوساڭسىتۋعا قاتىستى مەسەلەنٸ قارادى.

مەملەكەتتٸك كوميسسييا تەاترلار مەن مەشٸتتەردٸڭ جۇمىسىنا قاتىستى بٸرقاتار شەشٸم قابىلدادى.

- 2 قاراشادان باستاپ رۇقسات ەتٸلسٸن:

- 30%-عا دەيٸن تولىعۋمەن, بٸراق زالدا 100 ادامنان اسىرماي, تەاترلاردىڭ جۇمىس ٸستەۋٸنە (ەلەۋمەتتٸك ارا قاشىقتىقتى ساقتاي وتىرىپ, ماسكا رەجيمٸن, تەرمومەترييانى, قاتاڭ سانيتارلىق-دەزينفەكتسييالىق رەجيمدٸ ساقتاپ);

- جۇما نامازىن قوسپاعاندا, مەشٸتتەردە ۇجىمدىق ناماز (بەس ناماز) ٶتكٸزۋگە, بٸراق زالدا 100 ادامنان اسىرماي (2 م ەلەۋمەتتٸك ارا قاشىقتىقتى, ماسكا رەجيمٸن, تەرمومەترييانى, قاتاڭ سانيتارلىق-دەزينفەكتسييالىق رەجيمدٸ ساقتاۋمەن) دەپ كوميسسييا شەشٸم شىعاردى.