ەندى اۋدان جانە قالا اكىمدەرى KPI بويىنشا ەسەپ بەرەدى، دەپ حابارلايدى Dalanews.kz.
قازاقستاندا كەلەسى جىلدان باستاپ حالىقتى جۇمىسپەن قامتۋ بويىنشا اۋدان جانە قالا اكىمدەرىنىڭ KPI جۇيەسى ەنگىزىلەدى.
ۇكىمەت وتىرىسىنىڭ قورىتىندىسى بويىنشا پرەمەر-مينيستر سالالىق مينيسترلىكتەر مەن اكىمدىكتەرگە ءبىرقاتار تاپسىرما بەردى.
"ەڭبەك مينيسترلىگى وبلىس اكىمدەرىمەن بىرلەسىپ، وڭىرلىك جۇمىسپەن قامتۋ كارتالارىندا كوزدەلگەن ەڭبەك نارىعىنىڭ نەگىزگى كورسەتكىشتەرى ورىندالۋىن قامتاماسىز ەتۋگە ءتيىس. ءوڭىر اكىمدەرى تۇراقتى جۇمىس ورىندارىن قۇرۋعا باسا نازار اۋدارا وتىرىپ، جۇمىسپەن قامتۋ جوسپارى ورىندالۋىن جەكە باقىلاۋىنا السىن"، - دەدى ولجاس بەكتەنوۆ.
سونداي-اق، كەلەسى جىلدان باستاپ حالىقتى جۇمىسپەن قامتۋ بويىنشا اۋدان جانە قالا اكىمدەرىنىڭ KPI جۇيەسى ەنگىزىلەدى.
"سيفرلىق دامۋ مينيسترلىگى جىل سوڭىنا دەيىن مەملەكەتتىك ورگاندار مەن بيزنەستىڭ دەرەكتەرىن بىرىكتىرىپ، جاڭا جۇمىس ورىندارىن قۇرۋ بويىنشا ءبىرىڭعاي سيفرلىق جۇيەنى قالىپتاستىرۋعا ءتيىس"، - دەدى ۇكىمەت باسشىسى.
